ത്രില്ലടിപ്പിച്ച് റാപ്പിറ്റോർ; ഹ്രസ്വചിത്രം വൈറൽ

സമൂഹമാധ്യമങ്ങളിൽ  ശ്രദ്ധേയമായി റാപ്പിറ്റോർ എന്ന ഹ്രസ്വചിത്രം. മാൻവാർ, ക്വാറന്റൈന് ഒരു പ്രവാസിക്കഥ എന്നീ  ഹ്രസ്വചിത്രങ്ങൾ ഒരുക്കിയ ജിതിൻ- മനു ടീമാണ്  റാപ്പിറ്റോർ എന്ന ത്രില്ലർ ചിത്രം ഒരുക്കിയിരിക്കുന്നത്. രണ്ട് ഭാഗമായി പുറത്തിറങ്ങുന്ന ചിത്രത്തിന്റെ രണ്ടാം ഭാഗമാണ് അണിയറ പ്രവർത്തകർ ഇപ്പോൾ പുറത്തിറക്കിയിരിക്കുന്നത്. ഒറ്റ ദിവസം കൊണ്ട് ഷൂട്ട് ചെയ്ത തീർത്ത ചിത്രം പുതുമയാർന്ന പ്രമേയം കൊണ്ടും അവതരണ ശൈലി കൊണ്ടും വേറിട്ട് നിൽക്കുകയാണ്. ഇരുട്ടിന്റെ ഭീകരതയെ മികച്ച ഫ്രെയിമുകളിലൂടെയും പശ്ചാത്തലസംഗീതത്തിലൂടെയും പ്രേക്ഷകരിലെത്തിക്കാൻ അണിയറ പ്രവർത്തകർക്ക് കഴിഞ്ഞിട്ടുണ്ട്.

ആലീസ് മൂവി എന്റർടെയ്ൻമെന്റിന്റെ ബാനറിൽ നിതിൻ കൊച്ചിത്തറ നിർമിച്ചിരിക്കുന്ന ചിത്രം സംവിധാനം ചെയ്തിരിക്കുന്നത് ജിതിനും മനുവും ചേർന്നാണ്. ജിതിൻ, ടോണി, ഡോ. പ്രിൻസ് ഫ്രാങ്കോ, എം സി ബോബൻ, ജെയ്സൺ എന്നിവരാണ് പ്രധാന വേഷങ്ങൾ ചെയ്തിരിക്കുന്നത്. ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് ഷൈജു ശിവനും, ജാക്സൺ തോമസുമാണ്.  പ്രഭുൽ പി എസ് എഡിറ്റിംഗും, നകുൽ  എഫ് ടി പശ്ചാത്തല സംഗീതവും നിർവഹിച്ചിരിക്കുന്നു.  കലാ സംവിധാനം- ജെയ്സൺ പി ജോസും, പിആർഒ, ജിബിൻ-രാഹുൽ, സഹ സംവിധാനം- ആന്റോ  കൊച്ചിത്തറ