മുതിർന്നവരും ഇഷ്ടപ്പെടും ഇൗ കുട്ടിക്കഥ: ‘സൺഡേ’ ഹ്രസ്വചിത്രം കാണാം

കുട്ടികളുടെ സൗഹൃദത്തിന്റെ കഥ പറയുന്ന സൺഡേ എന്ന ഹ്രസ്വചിത്രം ശ്രദ്ധ നേടുന്നു. ഇരുപതുകാരനായ അമാൻ സജി ഡൊമിനിക്ക് കഥയെഴുതി, ഷൂട്ട് ചെയ്ത്, എഡിറ്റ് ചെയ്ത് സംവിധാനം നിർവഹിച്ചിരിക്കുന്ന ഇൗ ഷോർട്ട് ഫിലിം രണ്ടു പെൺകുട്ടികൾ തമ്മിലുള്ള ചങ്ങാത്തമാണ് അവതരിപ്പിക്കുന്നത്. 

എല്ലാ ഞായറാഴ്ചയും കണ്ടു മുട്ടുന്ന രണ്ടു കുട്ടികളുടെ ജീവിതവും അവർക്കിടയിലുണ്ടാകുന്ന ചില മാറ്റങ്ങളുമാണ് അതിമനോഹരമായി ഹ്രസ്വചിത്രം കാണിക്കുന്നത്. അന്ന, സമീര, ആരാധ്യ, രെശ്മി, ശ്രേയസ് എന്നിവരാണ് പ്രധാനകഥാപാത്രങ്ങളായി എത്തുന്നത്. പ്രധാന മേഖലകളെല്ലാം കൈകാര്യം ചെയ്തിരിക്കുന്ന അമാൻ സിനിമ വിദ്യാർഥിയാണ്. 

പ്രതീഷ് പ്രകാശാണ് ക്രിയേറ്റീവ് ഡയറക്ടർ. സൗണ്ട് ഡിസൈൻ നിർവഹിച്ചിരിക്കുന്നത് യദുകൃഷ്ണയാണ്. അഭിനയിച്ചിരിക്കുന്ന കുട്ടികളുടെ പ്രകടനവും സംവിധാനവും ഛായാഗ്രഹണവും എടുത്തു പറയേണ്ട മികവുകളാണ്.