ലോക റെക്കോർഡിൽ ‘കുട്ടി ദൈവം’

മലയാളത്തിലെ പ്രമുഖ താരങ്ങളെ അണിനിരത്തി ഡോ. സുവിദ് വിൽസൺ സംവിധാനവും നിർമാണവും നിര്‍വഹിച്ച കുട്ടി ദൈവം എന്ന ഹസ്വചിത്രം ലോക ശ്രദ്ധനേടുന്നു. ക്യാമറ നായികയായി വരുന്ന ലോകത്തിലെ ആദ്യത്തെ റിയലിസ്റ്റിക് ഷോർട്ട് ഫിലിം എന്ന ഗണത്തിലാണ് ചിത്രം ലോക റെക്കോർഡിൽ ഇടം നേടിയത്. രാജ്ഭവനിൽ നടന്ന  ചടങ്ങിൽ  കേരള ഗവർണർ ആരിഫ് മുഹമ്മദ് ഖാൻ യൂണിവേഴ്സൽ വേൾഡ് റെക്കോർഡ് സംവിധായകന് കൈമാറി

മാധ്യമ പ്രവർത്തകനും  പ്രോഗ്രാം പ്രൊഡ്യൂസറുമായ  സജീവ് ഇളമ്പലാണ് കുട്ടി ദൈവത്തിന്റെ തിരക്കഥ എഴുതിയിരിക്കുന്നത്. ഓരോ സീനുകളും ഒറ്റ ഷോട്ടിൽ ചിത്രീകരിക്കുകയും കേന്ദ്ര കഥാപാത്രത്തെ സിനിമയ്ക്ക് പുറത്ത് കാണിക്കുന്നില്ല എന്നതാണ് ഈ ഷോർട്ട് മൂവിയുടെ മറ്റൊരു പ്രത്യേകത. നിരവധി പരസ്യചിത്രങ്ങൾക്ക് ഛായാഗ്രഹണം നിർവഹിച്ചിട്ടുള്ള സനൽ ലസ്റ്ററാണ് ക്യാമറ.

മലയാളത്തിലെ പ്രമുഖ താരങ്ങളായ പ്രജോദ് കലാഭവൻ, പ്രശാന്ത് അലക്സാണ്ടർ, നസീർ സംക്രാന്തി, പാലാ അരവിന്ദൻ, കണ്ണൻ സാഗർ, ഷഫീഖ് റഹ്മാൻ, കിടു ആഷിക്, സുദീപ് കാരക്കാട്ട്, സജി കൃഷ്ണ, അജീഷ് ജോസ്, അഷ്റഫ് ഗുരുക്കൾ , മാസ്റ്റർ കാശിനാഥൻ  തുടങ്ങിയവർ ചിത്രത്തിൽ പ്രധാന വേഷത്തിലെത്തുന്നു. എഡിറ്റിങ് നിഹാസ് നിസാർ, ആർട്ട്-ഓമനക്കുട്ടൻ, കോസ്റ്റ്യൂം-രേഷ് കുമാർ, മേക്കപ്പ് നിഷ ബാലൻ, പ്രൊഡക്ഷൻ കൺട്രോളർ-ജോമോൻ ജോയ്, സ്റ്റിൽസ്-അരുൺ, ഡബ്ബിങ് ( നായിക) -കൃപ പ്രകാശ്.ലോക റെക്കോർഡിൽ ‘കുട്ടി ദൈവം’