വിജയ് ആരാധകർക്ക് സന്തോഷം പകരുന്ന മറ്റൊരു വാർത്തകൂടി. വിജയ് നായകനാകുന്ന പുതിയ ചിത്രത്തിൽ താരത്തിന്റെ മകളായ ദിവ്യ അഭിനയിക്കുന്നു. ചിത്രത്തിൽ വിജയിയുടെ മകളായി തന്നെയാണ് ദിവ്യ എത്തുന്നത്. നടി മീനയുടെ മകളും ഈ ചിത്രത്തിലൂടെ അഭിനയരംഗത്തെത്തുന്നു.
ദിവ്യയുടെ അധ്യാപികയുടെ വേഷത്തിലാകും ആമി ജാക്സൺ എത്തുക. ലഡാക്കിൽവച്ചായിരുന്നു സിനിമയുടെ അവസാനഘട്ട ചിത്രീകരണം. ദിവ്യയും വിജയിക്കൊപ്പം ലഡാക്കിൽ എത്തിയിരുന്നു. നേരത്തെ വേട്ടക്കാരൻ എന്ന ചിത്രത്തിൽ വിജയിയുടെ മകൻ സഞ്ജയ് അതിഥിവേഷത്തിൽ എത്തിയിരുന്നു.
രാജറാണി എന്ന ചിത്രത്തിന് ശേഷം അറ്റ്ലീ സംവിധാനം ചെയ്യുന്ന ചിത്രമാണ് തെറി. ചിത്രത്തിൽ പൊലീസ് വേഷത്തിലാണ് വിജയ് എത്തുന്നത്. സമാന്തയാണ് മറ്റൊരു നായിക.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.