ഇന്ത്യന്‍ബോക്സ് ഓഫീസുകളില്‍ ചരിത്രവിജയം നേടിയതിന് ശേഷം ചൈനയില്‍ റിലീസിനൊരുങ്ങുകയാണ് ബാഹുബലി. ചൈനയിലെ 5000 തിയറ്ററുകളിലാണ് ചിത്രം റിലീസിനെത്തുക. ഈ സ്റ്റാര്‍ ഫിലിംസ് ആണ് ചിത്രം വിതരണത്തിനെത്തിക്കുന്നത്.
ബാഹുബലിയുടെ രണ്ടാം ഭാഗത്തിന്‍റെ ചിത്രീകരണം ഈ മാസം അവസാനം ആരംഭിക്കും. അടുത്തവര്‍ഷം ജൂലൈ 10ന് ബാഹുബലി: ദ് കണ്‍ക്ലൂഷന്‍ റിലീസ് ചെയ്യാനാണ് രാജമൗലിയുടെ തീരുമാനം.
രണ്ടാം ഭാഗത്തില്‍ അനുഷ്കയാണ് ചിത്രത്തിലെ നായിക. ആദ്യ ഭാഗത്തിലേത് പോലെ തന്നെ അത്യുഗ്രന്‍ ആക്ഷന്‍ രംഗങ്ങള്‍ തന്നെയായിരിക്കും പ്രധാനആകര്‍ഷണം. ആദ്യ ഭാഗത്തില്‍ അതിഥി താരമായി എത്തിയ കിച്ച സുദീപും ചിത്രത്തിലെ മറ്റൊരു താരമായിരിക്കും.
കാലകേയയെ പോലെ മറ്റൊരു ഭീകരവില്ലനെയും രണ്ടാം ഭാഗത്തില്‍ കാണാം. കൂടാതെ വലിയൊരു യുദ്ധരംഗവും ചിത്രത്തിന്‍റെ പ്രത്യേകതയായിരിക്കും. ചിത്രത്തിന്‍റെ നാല്‍പ്പത് ശതമാനം രാജമൗലി ആദ്യഭാഗത്തിനൊപ്പം ചിത്രീകരിച്ചു കഴിഞ്ഞു.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.