മിന്നൽ മുരളിയുടെ തിരക്കഥാകൃത്തായ ജസ്റ്റിൻ മാത്യു സംവിധാനം ചെയ്ത “ഇതികർത്തവ്യ മാരൻ” എന്ന ഹ്രസ്വചിത്രം ശ്രദ്ധ നേടുന്നു. രണ്ടു പേർ തമ്മിലുള്ള വിവാഹവും തുടർന്ന് ജീവിതത്തിലുണ്ടാകുന്ന സംഭവവികാസങ്ങളും നർമത്തിൽ കോർത്തിണക്കിയ ചിത്രം നിർമിച്ചിരിക്കുന്നത് ജെ ആർ പ്രൊഡക്ഷൻസിന്റേയും താര ആന്റ് മില പ്രൊഡക്ഷൻസിന്റെയും ബാനറിൽ ആൽബിയും റീജു ജോസുമാണ്. കിരൺ കെ.എസ്. ആണ് തിരക്കഥ ഒരുക്കിയിരിക്കുന്നത്. ബ്ലോക്കബസ്റ്റർ ഫിലിംസ് എന്ന യൂട്യൂബ് ചാനലിലൂടെയാണ് ഈ ഷോർട്ട് ഫിലിം റിലീസ് ചെയ്തിരിക്കുന്നത്.

തല്ലുമാല എന്ന സിനിമയിൽ അരങ്ങേറി സുലൈഖ മൻസിൽ, ൻറ്റിക്കാക്കാക്കൊരു പ്രേമണ്ടാർന്ന് എന്നീ സിനിമയിൽ അഭിനയിച്ച ആദ്രി ജോ, ഒപ്പം അമൃത വിജയ്, ജിഷ്ണു മോഹൻ, വിവേക് അനിരുദ്ധ്, ധാനിൽ കൃഷ്ണ, റോബെർട്ട് ആലുവ തുടങ്ങിയവരാണ് കേന്ദ്ര കഥാപാത്രങ്ങൾ അവതരിപ്പിച്ചിരിക്കുന്നത്. നവീൻ നജോസാണ് ഛായാഗ്രഹണം. ഷൈജാസ് കെ.എം. ആണ് എഡിറ്റർ.  അനുരാഗ് എൻജിനിയറിങ് വർക്ക്സിലൂടെ ശ്രദ്ധേയനായ മിലൻ ജോണ് ആണ് സംഗീത സംവിധായകൻ. റോയലിൻ റോബെർട്ടാണ് സഹ സംവിധാനം. 

തന്റെ വിവാഹവും തുടർന്ന് തന്റെ  ഭാര്യയുടെ കാമുകനെ കുറിച്ചുള്ള തുറന്ന് പറച്ചിലോടും കൂടി സന്ദീപ് എന്ന കഥാപാത്രത്തിന്റെ ജീവിതത്തിൽ നടക്കുന്ന അപ്രതീക്ഷിതമായ സംഭവങ്ങളാണ് ഈ ഹ്രസ്വസിനിമയിലൂടെ കാണാൻ സാധിക്കുന്നത്. മികച്ച പ്രേക്ഷക പിന്തുണ നേടി മുന്നേറുന്നു.