പുണ്യജലത്തിലെ പുണ്യരാത്രി: കുംഭമേളയില്‍ പുണ്യസ്നാനം ചെയ്ത് നടി ഗൗരി കൃഷ്ണൻ
Mail This Article
മഹാകുംഭമേളയിലെത്തി പുണ്യസ്നാനം ചെയ്ത് ടെലിവിഷന്‍ നടി ഗൗരി കൃഷ്ണന്‍. ‘‘പുണ്യജലത്തിലെ പുണ്യരാത്രി! മഹാശിവരാത്രി ദിനത്തില്‍ പുണ്യസ്നാനം... ഭഗവാനേ... നീയെനിക്ക് തന്ന ഏറ്റവും നല്ല സമ്മാനമാണിത്. മറ്റെവിടെ നിന്നും ലഭിക്കാത്ത ആത്മീയ അനുഭവം അണിത്’’, ത്രിവേണിസംഗമത്തില്‍ പുണ്യസ്നാനം ചെയ്യുന്ന വിഡിയോയ്‌ക്കൊപ്പം ഗൗരി കൃഷ്ണന്‍ കുറിച്ചു.
ഇനുവരി 13ന് ആരംഭിച്ച മഹാകുംഭമേള ഫെബ്രുവരി 26ന് മഹാശിവരാത്രിയോടെയാണ് സമാപിച്ചത്. ഇതിനകം 62 കോടിയിലേറെ ആളുകള്‍ പുണ്യസ്നാനം നടത്തിയെന്നാണു കണക്ക്. സിനിമാ താരങ്ങളുള്‍പ്പെടെ നിരവധി സെലിബ്രിറ്റികളും ഇത്തവണ മഹാകുംഭമേളയില്‍ പങ്കെടുത്തു.
കേരളത്തില്‍ നിന്നും പ്രമുഖര്‍ ഉള്‍പ്പെടെ നിരവധി പേര്‍ മഹാകുംഭമേളയില്‍ പങ്കെടുത്തു. ജയസൂര്യ, സംയുക്ത, സുപ്രിയ മേനോന്‍, അമൃത സുരേഷ്, സുരേഷ്കുമാർ എന്നിവര്‍ കുംഭമേളയില്‍ പങ്കെടുത്തിരുന്നു.
ബോളിവുഡ് താരങ്ങളായ അനുപം ഖേര്‍, സൊനാലി ബേന്ദ്ര, മിലിന്ദ് സോമന്‍, റെമോ ഡിസൂസ, തമന്ന, പൂനം പാണ്ഡെ, ഹേമ മാലിനി, തനിഷ മുഖര്‍ജി, നിമ്രത് കൗര്‍, അക്ഷയ് കുമാര്‍ എന്നിവരും കുംഭമേളയില്‍ പങ്കെടുത്ത് പുണ്യസ്നാനം ചെയ്തിരുന്നു. കത്രീന കൈഫും കഴിഞ്ഞ ദിവസം കുംഭമേളയ്ക്ക് എത്തിയിരുന്നു.
