വിഷു സ്പെഷൽ ഫോട്ടോഷൂട്ടുമായി ശിവാനിയും അൽസാബിത്തും; ചിത്രങ്ങൾ

വിഷുവിന് പ്രത്യേക ഫോട്ടോഷൂട്ടുമായി നടി ശിവാനി മേനോനും അൽസാബിത്തും. ശിവാനിയാണ് പ്രത്യേക വിഷു ചിത്രങ്ങൾ പങ്കുവച്ചത്. ആരാധകരടക്കം നിരവധിപ്പേരാണ് ശിവാനിക്കും അൽസാബിത്തിനും വിഷു ആശംസകൾ നേർന്നെത്തിയത്.

കഴിഞ്ഞ മാസമാണ് തനിക്കു പതിനെട്ട് വയസ്സ് പൂർത്തിയായതായി ശിവാനി ആരാധകരെ അറിയിച്ചത്. കുടുംബത്തിനൊപ്പം പ്രത്യേക പിറന്നാൾ ആഘോഷവും ഉണ്ടായിരുന്നു. അമ്മയാണ് ശിവാനി അറിയാതെ സർപ്രൈസ് ആയി പിറന്നാൾ പാർട്ടി നടത്തിയത്.

ഭാവൻസ് ആദർശ വിദ്യാലയ സ്കൂളിൽ പന്ത്രണ്ടാം ക്ലാസ് വിദ്യാർഥിയാണ് ശിവാനി. പരീക്ഷ എഴുതി അവസാന ഫലത്തിനായി കാത്തിരിക്കുകയാണ് താരം.