തിയറ്ററുകളിൽ വീണ്ടും പാട്ടും കൂത്തും വിസിലടിയും അർമാദവും നിറയ്ക്കുകയാണ് ടോവിനോയുടെ പുതിയ സിനിമയായ ‘തല്ലുമാല’. ‘നല്ല കിടുക്കാച്ചി കളർഫുൾ പടം’. ‘ഇൻസ്റ്റാ റീലു’പോലെ ഒരു സിനിമയെന്നാണ് യുവസിങ്കങ്ങൾ അഭിപ്രായപ്പെട്ടത്. പടത്തിനു ടിക്കറ്റു കിട്ടാൻ ഒരു വഴിയുമില്ല. അത്രയും തിരക്കാണ്. തിയറ്ററായ തീയറ്ററുകളെല്ലാം ഹൗസ്ഫുള്ളാണ്. പ്രകൃതിപ്പടങ്ങൾ കാരണം തിയറ്ററുകളിൽ ആളുകൾ കയറുന്നില്ലെന്ന പരാതിയും ‘തല്ലുമാല’ തല്ലിത്തീർക്കുകയാണ്.
