sections

manoramaonline

MORE

അങ്ങനെ ധനുഷിനെ തോൽപിക്കാമെന്നു കരുതണ്ട സായ്പല്ലവി; 'സെമ്മാ മാസ് മാരിഗെത്തു'

dhanush-saipallavi
SHARE

'റൗഡി ബേബി'യുടെ റെക്കോഡ് മുന്നേറ്റത്തിനു പിന്നാലെ ധനുഷ്-സായ് പല്ലവി ജോഡിയുടെ 'മാരിഗെത്തു' ഗാനവും യൂട്യൂബിൽ തരംഗമാകുന്നു. മാരി-2വിലേതാണു പുതിയ ഗാനവും. ധനുഷിന്റെയും സായ്പല്ലവിയുടെയും ഡാൻസ് തന്നെയാണു ഹൈലൈറ്റ്. യുവൻ ശങ്കർ രാജയുടെതാണു സംഗീതം. ധനുഷ്, യുവൻ ശങ്കർ രാജ, ചിന്നപൊണ്ണ്, വി.എം മഹാലിംഗം എന്നിവർ ചേർന്നാണു ഗാനം ആലപിച്ചിരിക്കുന്നത്. 

'റൗഡി ബേബി'യിൽ സായ്പല്ലവിയുടെ ഡാൻസാണ് മുന്നിട്ടു നിന്നതെങ്കിൽ പുതിയ ഗാനത്തിൽ ധനുഷാണു താരം. ധനുഷിന്റെ തകർപ്പൻ ഡാൻസ് ഏറ്റെടുത്തിരിക്കുകയാണ് ആരാധകർ. 'തറലോക്കൽ പാട്ടിനു തകർപ്പൻ ഡാൻസ് ചെയ്യാൻ ധനുഷിനെ സാധിക്കു, അതുകൊണ്ടാണ് നിങ്ങളെ ഇഷ്ടം' എന്ന രീതിയിലാണു പലരുടെയും കമന്റുകൾ. യുവൻ ശങ്കർ രാജയുടെ സംഗീതത്തിനും പ്രശംസയേറെയാണ്. 'യുവൻ രാജ, കാട്ടുരാജ' എന്നാണ് ഒരാളുടെ കമന്റ്. യുവൻ മാജിക്കാണു ഗാനമെന്നും അഭിപ്രായമുണ്ട്. 

01

റിലീസ് ചെയ്തു മണിക്കൂറുകൾക്കകം തന്നെ നിരവധിപേർ ഗാനം യൂട്യൂബിൽ കണ്ടു. റൗഡി ബേബി പോലെ തന്നെ മികച്ച പ്രതികരണം നേടി മുന്നേറുകയാണു ഗാനം. ബാലാജി മോഹനാണു ചിത്രത്തിന്റെ സംവിധാനം. കൃഷ്ണ, വരലക്ഷ്മി ശരത് കുമാർ, ടൊവീനോ തോമസ് എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. 2015ൽ പുറത്തിറങ്ങിയ മാരിയുടെ രണ്ടാം പതിപ്പാണ് മാരി-2.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN MUSIC MIX
SHOW MORE
FROM ONMANORAMA