Manoramaonline.com no longer supports Internet Explorer 8 or earlier. Please upgrade your browser.  Learn more »

പഞ്ചവർണ്ണതത്തയിലെ എം.ജി ശ്രീകുമാറിന്റെ അടിപൊളി ഗാനം: വിഡിയോ

panchavarnathatha

രമേഷ് പിഷാരടി സംവിധായകനാകുന്ന ആദ്യ സിനിമ പഞ്ചവർണ്ണതത്തയിലെ പുതിയ ഗാനം പുറത്തിറങ്ങി. ‘ചിരി ചിരി’ എന്ന ഗാനം പാടിയിരിക്കുന്നത് മലയാളികളുടെ പ്രിയ ഗായകൻ എം.ജി ശ്രീകുമാറാണ്. എം.ജയചന്ദ്രനാണ് പാട്ടിന് ഇൗണം നൽകിയിരിക്കുന്നത്. രസകരമായ വരികളെഴുതിയിരിക്കുന്നത് ഹരി നാരായണനാണ്.

കള്ള വോട്ടും പൊട്ടിച്ചിരിയും കുറെ മൃഗങ്ങളുമൊക്കെ ചേർന്നതാണ് പാട്ടിന്റെ രംഗങ്ങൾ. എം.ജി ശ്രീകുമാർ ആലപിച്ച മലയാളി ഏറ്റെടുത്ത ചടുലതാളമുള്ള ഗാനങ്ങളുടെ പട്ടികയിലാണ് ചിരി ചിരി എന്ന ഗാനവും ഇടം പിടിക്കുക. ചിത്രത്തിൽ മുഖ്യവേഷങ്ങള്‍ ചെയ്യുന്ന ജയറാമും കുഞ്ചാക്കോ ബോബനും അനുശ്രീയും പാട്ടിൽ തിളങ്ങുന്നു. മണിയന്‍പിള്ള രാജുവാണ് ചിത്രത്തിന്റെ നിര്‍മാതാവ്.  അവതാരകനും ഗാനരചയിതാവുമായ ഹരി.പി നായരും പിഷാരടിയും ചേര്‍ന്നാണ് തിരക്കഥയെഴുതുന്നത്. പിഷാരടിയുടെ സന്തതസഹചാരി ധര്‍മജനും പഞ്ചവര്‍ണതത്തയിൽ പ്രധാന വേഷത്തിലെത്തുന്നു. എം. ജയചന്ദ്രനു പുറമെ നാദിര്‍ഷയും ഒരു പാട്ടിന് ഇൗണം നൽകുന്നുണ്ട്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.