Manoramaonline.com no longer supports Internet Explorer 8 or earlier. Please upgrade your browser.  Learn more »

അതെ പ്രിയങ്ക പ്രണയത്തിലാണ് !

priyanka

പ്രിയങ്ക ചോപ്രയെയും ഗായകനായ നിക് ജൊനാസിനെയും മാധ്യമങ്ങൾ വിടാതെ പിടികൂടിയിരിക്കുകയാണ്. ഒരു സ്വകാര്യ ഹോട്ടലിൽ രാത്രിഭക്ഷണത്തിന് എത്തിയപ്പോളാണ് ഇരുവരും ക്യാമറക്കണ്ണിൽ പെട്ടത്. ഇതോടെ ഇരുവരും പ്രണയത്തിലാണെന്നുള്ള സംശയങ്ങൾക്ക് കൂടുതൽ ബലം കൈവന്നിരിക്കുകയാണ്. ഹോട്ടലിൽ വെച്ചുള്ള ഇരുവരുടെയും പെരുമാറ്റ രീതികളും സംശയങ്ങൾ ശരി വയ്ക്കുന്നതാണെന്ന് അമേരിക്കൻ മാധ്യമങ്ങൾ റിപ്പോർട്ട് ചെയ്യുന്നു. 

പ്രിയങ്ക കൂടുതൽ പ്രസന്നവതിയായി കാണപ്പെട്ടുവെന്നും ഇരുവരും തമാശകൾ പങ്കിടുകയും ചെയ്തുവെന്നുമാണ് മാധ്യമങ്ങൾ പറയുന്നത്. പ്രിയങ്കയും നിക്കും പ്രണയത്തിലാണെന്നുള്ള വാർത്തകൾ പരക്കുന്നതിനിടെ പൊതുസ്ഥലത്ത് ഇരുവരും ഒന്നിച്ച് പ്രത്യക്ഷപ്പെട്ടത് മാധ്യമങ്ങളിലും അമ്പരപ്പുണ്ടാക്കി.  

ഹോളിവുഡിലെ പ്രസിദ്ധനായ‌ ഗായകനാണ് ഇരുപത്തഞ്ചുകാരനായ നിക് ജൊനാസ്.  കഴിഞ്ഞ വർഷം നടന്ന മെറ്റ് ഗാല റെഡ് കാർപ്പെറ്റിലാണ് മുപ്പത്തഞ്ചുകാരിയായ പ്രിയങ്ക ചോപ്ര നിക്കിന്റെ കൂടെ ആദ്യമായി പ്രത്യക്ഷപ്പെട്ടത്. പിന്നീട്  വിവിധ വേദികളിൽ ഒരുമിച്ച് വരാൻ തുടങ്ങിയതോടെയാണ് ഇവർ പ്രണയത്തിലാണെന്നുള്ള വാർത്തകൾ പ്രചരിക്കാൻ തുടങ്ങിയത്. ഒരുമിച്ചുള്ള കൂടുതൽ വാർത്തകളും ചിത്രങ്ങളും പുറത്തുവന്നതോടെ ഇരുവരുടെയും പ്രതികരണത്തിനായി കാത്തിരിക്കുകയാണ് ആരാധകർ. 

related stories
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.