Manoramaonline.com no longer supports Internet Explorer 8 or earlier. Please upgrade your browser.  Learn more »

ചൂടൻ ഗാനവുമായി ദുൽഖർ സൽമാൻ; ഇത് ആദ്യം

dq-hot

ചൂടൻ ഗാനവുമായി ദുൽഖർ സൽമാൻ . 'കണ്ണും കണ്ണും കൊള്ളയടിത്താൽ' എന്ന ചിത്രത്തിലാണ് ദുൽഖർ തകർപ്പൻ ഗാനവുായി എത്തുന്നത്. ദുൽഖർ ഒരു ഹോട്ട് ഗാനത്തിൽ അഭിനയിക്കുന്നത് ഇതാദ്യമാണ്. ഗാനത്തിന്റെ മെയ്ക്കിങ് വിഡിയോ സമൂഹമാധ്യമങ്ങളിൽ പ്രചരിക്കുന്നു.

dq-hot-3

‘ഇതൊരു പാർട്ടി ഗാനമാണ്. എല്ലാവരും പറയുന്നതുപോലെ, ആദ്യമായാണ് ഇങ്ങനെ ഒരു ഗാനവുമായി എത്തുന്നത്. ത്രില്ലിങ് ലൗസ്റ്റോറിയാണ് ചിത്രം. വിവിധയിടങ്ങളിലായാണു ചിത്രീകരണം പൂർത്തിയാക്കുന്നത്. തമാശയും പ്രണയവും എല്ലാമുണ്ട്. തീർച്ചയായും ഈ ചിത്രം എല്ലാവർക്കും ഇഷടപ്പെടുമെന്നാണ് പ്രതീക്ഷ’ - ദുൽഖർ പറയുന്നു. ഒരു സ്വകാര്യ ചാനലിനു നൽകിയ അഭിമുഖത്തിലാണ് ദുൽഖറിന്റെ പ്രതികരണം. 

dq-hot-2

ഋതു വർമയാണ് ചിത്രത്തിൽ ദുൽഖറിന്റെ നായികയായി എത്തുന്നത്. ഡിക്യുവിന്റെ ഗാനത്തിനായി കാത്തിരിക്കുകയാണെന്നാണ് ആരാധകരുടെ പ്രതികരണം. 'ഗാനം പൊളിക്കും' എന്നാണ് പലരുടെയും കമന്റുകൾ. 

പ്രമുഖ മ്യൂസിക് ബാന്റായ 'മസാല കോഫി' ആണ് ചിത്രത്തിനായി സംഗീതം ഒരുക്കുന്നത്. ദുൽഖറിന്റെ 'സോളോ' യ്ക്കും സംഗീതം ഒരുക്കിയത് ഇവരായിരുന്നു. ദേസിങ് പെരിയസാമി സംവിധാനം ചെയ്യുന്ന ചിത്രം ഒക്ടോബറില്‍ തിയറ്ററിലെത്തും.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.