Manoramaonline.com no longer supports Internet Explorer 8 or earlier. Please upgrade your browser.  Learn more »

ശബരിമല അയ്യപ്പനോട് ചിത്രയുടെ പ്രാർഥന; ദൈവീകം എന്ന് ഭക്തർ

ks-chithra-sabarimala

ശബരിമല യുവതീ പ്രവേശവുമായി ബന്ധപ്പെട്ടുള്ള വിവാദങ്ങൾ കത്തി നിൽക്കുന്നതിനിടെ കെ.എസ്. ചിത്രയുടെ അയ്യപ്പ ഭക്തിഗാനം ശ്രദ്ധേയമാകുന്നു. പതിനെട്ടു തൃപ്പടികളെ കുറിച്ചുള്ള മനോഹരമായ ഗാനമാണ് ചിത്ര ആലപിച്ച ഒന്നാംതൃപ്പടി. എസ്. രമേശൻ നായരുടെ വരികൾക്കു രവീന്ദ്രൻ മാസ്റ്റർ ആണ് സംഗീതം നൽകിയിരിക്കുന്നത്. 

മികച്ച പ്രതികരണമാണു സമൂഹമാധ്യമങ്ങളിൽ ചിത്രയുടെ ഭക്തിയോടെയുള്ള ആലാപനത്തിനു ലഭിക്കുന്നത്. ഗാനത്തിൽ ശബരി മലയിലെ പതിനെട്ടു പടികളുടെയും പേരും അതിന്റ ഐതിഹ്യവുമായി ഉൾപ്പെടുത്തിയിരിക്കുന്നത്. തികഞ്ഞ ഒരു അയ്യപ്പ ഭക്ത കൂടിയാണ് ചിത്ര. ശബരിമലയിൽ മുൻവർഷങ്ങളിൽ ചിത്ര ദർശനം നടത്തുകയും ചെയ്തിരുന്നു. 

ദൈവീകം എന്നാണു ചിത്രയുടെ ആലാപനത്തെ ആസ്വാദകർ പുകഴ്ത്തുന്നത്. ചിത്രയുടെ നിരവധി ഭക്തി ഗാനങ്ങള്‍ മുൻപു വന്നിട്ടുണ്ടെങ്കിലും അയ്യപ്പനെ കുറിച്ചുള്ള ഭക്തിഗാനം ഇപ്പോൾ ഏറെ ശ്രദ്ധ നേടുകയാണ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.