'കണ്ണാം തുമ്പീ പോരാമോ', ശ്രദ്ധേയമായി വയലിൻ കവർ

മലയാളത്തിലെ എക്കാലത്തെയും സൂപ്പർഹിറ്റ് ഗാനങ്ങളുടെ വയലിൻ കവർ ശ്രദ്ധേയമാകുന്നു. തൃപ്പൂണിത്തുറ സ്വദേശിയായ വിശ്വനാഥ് ഒരുക്കിയ വയലിൻ വേർഷനാണ് ശ്രദ്ധേയമാകുന്നത്. കണ്ണാം തുമ്പി പോരാമോ, വെണ്ണിലാ ചന്ദനക്കിണ്ണം, മൗനം സ്വരമായ് എന്നീ ഗാനങ്ങളു‍ടെ വയലിൻ വേർഷനാണ് വിശ്വനാഥ് ഒരുക്കിയിരിക്കുന്നത്. 

തികച്ചും വ്യത്യസ്തമായി സിംഫണി ശൈലിലാണ് പശ്ചാത്തല സംഗീതം. മനോഹരമായ ദൃശ്യാവിഷ്കാരം വയലിൻ കവറിനു മിഴിവേകുന്നുണ്ട്. പ്രേംജിത്ത് നടേശനാണ് ആൽബത്തിന്റെ സംവിധാനം. പാശ്ചാത്യ സംഗീതത്തിലും കർണാടക സംഗീതത്തിലും ഒരു പോലെ വയലിൻ കൈകാര്യം ചെയ്യുന്ന വ്യക്തിയാണ് വിശ്വനാഥ്. ദി സൈലന്റ് ലേക്ക്- എ മ്യൂസിക്കൽ ഹാർമണി എന്നു പേരിട്ടിരിക്കുന്ന കവർ വേർഷനു മികച്ച പ്രതികരണമാണു ലഭിക്കുന്നത്.