ADVERTISEMENT

ആത്മസംഘർഷം എത്രത്തോളം ദൃശ്യങ്ങളിലും വരികളിലും വരച്ചിടാൻ സാധിക്കും? അതിന് പരിധിയില്ലേ! എന്നാൽ അത്തരം പരിധികളെല്ലാം മറികടക്കുകയാണ് ‘തൊട്ടപ്പനി’ലെ ‘കായലേ’ എന്ന ഗാനം. അജീഷ് ദാസന്റെ വരികൾക്ക് സംഗീതം ഒരുക്കിയിരിക്കുന്നത് ലീല എൽ ഗിരീഷ് കുട്ടനാണ്. സിത്താര കൃഷ്ണകുമാറാണ് ആലാപനം. 

 

കായലേ...കായലേ...നീ തനിച്ചല്ലേ

കാറ്റലേ...കാറ്റലേ...കൊണ്ടുപോകല്ലേ

കടലോളമുണ്ടെൻ സങ്കടം...നീയറിഞ്ഞില്ലേ

ഈ രാവുറങ്ങാൻ ഉള്ളിലേ താരാട്ടു മൂളില്ലേ...

 

വിനായകൻ പ്രധാനവേഷത്തിലെത്തുന്ന ചിത്രത്തിൽ പുതുമുഖതാരം പ്രിയംവദ കൃഷ്ണനാണ് നായിക. പ്രിയംവദയുടെ ഭാവാഭിനയവും വരികളോട് ചേർന്നു നിൽക്കുന്ന ദൃശ്യങ്ങളും തന്നെയാണു ഗാനത്തിന്റെ ഹൈലൈറ്റ്. സിത്താരയുടെ ഭാവാർദ്രമായ ആലാപനവും ഗാനത്തിനു മാറ്റുകൂട്ടുന്നു. 

 

മികച്ച പ്രതികരണം നേടി മുന്നേറുകയാണു ഗാനം. റിലീസ് ചെയ്തു മണിക്കൂറുകൾക്കകം നിരവധിപേർ ഗാനം യൂട്യൂബിൽ കണ്ടു.  പി.എസ്. റഫീഖിന്റെതാണു കഥ. ഷാനവാസ് കെ. ബാവക്കുട്ടി സംവിധാനം ചെയ്ത ചിത്രം തീയറ്ററില്‍ മികച്ച പ്രതികരണമാണ് നേടുന്നത്. 

 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com