നാടിന് എഴുപതു വയസ്സ്; തരംഗമായി കോട്ടയത്തെ പിള്ളേരുടെ പാട്ട്

കോട്ടയം ജില്ല രൂപീകരിക്കപ്പെട്ടിട്ട് എഴുപതു വർഷം തികയുകയാണ്. ഈ അവസരത്തിൽ നാടിനോടുള്ള സ്നേഹം അറിയിച്ചുകൊണ്ട് ഒരു സംഗീത ആൽബവുമായി എത്തുകയാണ് കോട്ടയത്തെ യുവതലമുറ. കോട്ടയം ആന്തം എന്നു പേരിട്ടിരിക്കുന്ന മ്യൂസിക് വിഡിയോ ഇപ്പോൾ സമൂഹമാധ്യമങ്ങളില്‍ തരംഗമാകുകയാണ്. 

കോട്ടയം നഗരത്തിന്റെ ചരിത്രം പാട്ടിലൂടെ അവതരിപ്പിക്കുകയാണ് യുവസംഘം. മികച്ച പ്രതികരണമാണു മ്യൂസിക് വിഡിയോക്കു ലഭിക്കുന്നത്.രോഹിത്, അഖിൽ എന്നിവർ അവതരിപ്പിക്കുന്ന മ്യൂസിക് ആൽബം സംവിധാനം ചെയ്തിരിക്കുന്നത് നിഖിൽ എസ്. പ്രവീണാണ്.  ആദിൽ എൻ. അഷറഫാണ് എഡിറ്റിങ്. സജി കോട്ടയമാണ് നിർമാണം.