sections
MORE

ശ്വേത മോഹന്റെ സ്വരമാധുരിയിൽ വീണ്ടുമൊരു തമിഴ് പ്രണയഗാനം

swetha-mohan-song-img
SHARE

ഗായിക ശ്വേത മോഹന്റെ ശബ്ദത്തിൽ വീണ്ടുമൊരു തമിഴ് പ്രണയഗാനം. ആദിത്യൻ ആതിരൈ രചനയും സംവിധാനവും നിർവഹിക്കുന്ന ഇരണ്ടാം ഉലകപോരിൻ കടൈസി ഗുണ്ടുവിലെ ‘മാവുലിയോ മാവുലി....’ എന്ന് തുടങ്ങുന്ന ഗാനമാണ് ഇപ്പോൾ പുറത്തിറങ്ങിയിരിക്കുന്നത്. തനികൊടിയുടെ വരികൾക്ക് തെൻമയാണ് സംഗീതം പകർന്നത്. ശ്വേത മോഹനൊപ്പം തെൻമയും ആലാപനത്തിൽ പങ്കു ചേർന്നിട്ടുണ്ട്. 

വരികളും ആലാപനശൈലിയും ഏറെ വ്യത്യസ്തത പുലർത്തുന്നു എന്നാണ് പ്രേക്ഷകപക്ഷം. തന്റെ പുതിയ ഗാനത്തെക്കുറിച്ച് ശ്വേത തന്നെ ഫെയ്സ്ബുക്ക് പേജിലൂടെ ആരാധകരെ അറിയിച്ചിരുന്നു. ദിനേശ് ആനന്ദി എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ഇരുവരും തമ്മിലുളള പ്രണയരംഗങ്ങളാണ് ഗാനത്തിലുള്ളത്. 

നീലം പ്രൊഡക്്ഷൻസിന്റെ ബാനറിൽ പാ രഞ്ജിത്ത് ആണ് ചിത്രം നിർമിക്കുന്നത്. പ്രേക്ഷക ശ്രദ്ധ പിടിച്ചു പറ്റിയ ‘പരിയോരും പെരുമാള്‍’ എന്ന ആദ്യ ചിത്രത്തിന് ശേഷം രഞ്ജിത്ത് നിർമിക്കുന്ന ചിത്രമാണിത്. കിഷോർ കുമാർ ഛായാഗ്രഹണം നിർവഹിക്കുന്നു. റിത്വിക, മുനീഷ് കാന്ത്, ജോൺ വിജയ്, ലിജീഷ് തുടങ്ങിയവരാണ് ചിത്രത്തിലെ മറ്റ് താരങ്ങൾ. ചെന്നൈ, പുതുച്ചേരി, വില്ലുപുരം, പാൻരുതി എന്നിവിടങ്ങളിൽ വച്ചാണ് സിനിമ ചിത്രീകരിച്ചത്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MUSIC NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA