sections
MORE

ദിവ്യയെ പ്രണയിച്ച് അനൂപ് മേനോൻ; ‘കിങ് ഫിഷി’ലെ ഗാനം ഏറ്റെടുത്ത് ആരാധകർ

anoop-menon-durga-krishna-image
SHARE

നടനും ഗാനരചയിതാവും തിരക്കഥാകൃത്തുമായ അനൂപ് മേനോൻആദ്യമായി സംവിധാനം ചെയ്യുന്ന ‘കിങ് ഫിഷ്’ എന്ന ചിത്രത്തിലെ വിഡിയോ ഗാനം പുറത്തിറങ്ങി. ആദ്യ സംവിധാന സംരംഭമായ ചിത്രത്തിൽ അനൂപ് മേനോൻ തന്നെയാണ് നായകൻ. ദിവ്യ എസ് പിള്ള ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നു. ഇരുവരും തമ്മിലുള്ള തീവ്രപ്രണയരംഗങ്ങളാണ് ഗാനത്തിന്റെ പശ്ചാത്തലം.

‘എൻ രാമഴയിൽ ഇതൾ നനയും പനിമലരേ

നിൻ ഓർമകളാൽ മയ്യെഴുതും നഗരമിതിൽ

കാണാമറയത്തു നിന്നും ഏതോ മയൂരങ്ങളാടി

ആരോരുമറിയാതെ നിൻ പൊൻ പിറാവുകൾ

ഇളവെയിലായ് ഇണതിരയുകയോ.....’

അനൂപ് മേനോൻ തന്നെയാണ് ഗാനത്തിന് വരികളൊരുക്കിയിരിക്കുന്നത്. രതീഷ് വേഗ സംഗീത സംവിധാനം നിർവഹിച്ച ഗാനം ആലപിച്ചത് വിജയ് യേശുദാസ് ആണ്. തികച്ചും അപ്രതീക്ഷിതമായിട്ടാണ് അനൂപ് മേനോൻ സംവിധായകന്റെ വേഷമണിഞ്ഞത്. വി.കെ പ്രകാശ് ആയിരുന്നു ചിത്രം സംവിധാനം ചെയ്യേണ്ടിയിരുന്നത്. എന്നാൽ മറ്റൊരു ചിത്രത്തിന്റെ ഷൂട്ടിങുമായി ബന്ധപ്പെട്ട് തിരക്കിലായതോടെ ‘കിങ് ഫിഷ്’ അനൂപ് മേനോൻ ഏറ്റെടുക്കുകയായിരുന്നു. അനൂപ് മേനോനൊപ്പം സംവിധായകൻ രഞ്ജിത്ത് മുഴുനീള കഥാപാത്രമായി എത്തുന്നു എന്നതാണ് സിനിമയുടെ മറ്റൊരു പ്രത്യേകത. 

ദുർഗ കൃഷ്ണ, ലാൽ ജോസ്, ഇർഷാദ്, നിരഞ്ജന അനൂപ്, നിസ്സ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. റാന്നി, കുട്ടിക്കാനം, എറണാകുളം, ബെഗളുരു, ദുബായ് എന്നിവിടങ്ങളിൽ വച്ചാണ് ‘കിങ് ഫിഷി’ന്റെ ചിത്രീകരണം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MUSIC NEWS
SHOW MORE
FROM ONMANORAMA