അഹാനയുടെയും അനിയത്തിമാരുടെയും അടിപൊളി ‘ലോക്ഡൗൺ ഡാൻസ്’: വിഡിയോ
Mail This Article
ലോക്ഡൗൺ കാലത്ത് താരങ്ങളിൽ പലരും നേരംപോക്കിനായി പല രീതിയിലുള്ള വിനോദങ്ങളിലാണ് ഏർപ്പെട്ടിരിക്കുന്നത്. ചിലർ വ്യായാമത്തിനു പ്രാധാന്യം കൊടുക്കുമ്പോൾ മറ്റു ചിലർ പാചകത്തിലാണ് ശ്രദ്ധ കേന്ദ്രീകരിച്ചിരിക്കുന്നത്. നടി അഹാന കൃഷ്ണ നൃത്തം ചെയ്താണ് വിരസമായ ലോക്ഡൗൺ കാലത്തെ രസകരമാക്കുന്നത്.
ഒാ നാ നാ എന്ന ഇംഗ്ലീഷ് ഗാനത്തിനൊപ്പം അഹാനയും സഹോദരിമാരായ ദിയ, ഇഷാനി, ഹൻസിക എന്നിവരും ചുവടു വയ്ക്കുന്ന വിഡിയോ സമൂഹമാധ്യമങ്ങളിൽ വൈറലാണ്. വീട്ടിലെ ഒരു മുറിയിലാണ് നാൽവർ സംഘത്തിന്റെ ഗംഭീര പ്രകടനം. നൈജീരിയൻ ഗായകനായ സ്ലിം ബർണയാണ് 2013–ൽ പുറത്തിറങ്ങിയ ഇൗ ഗാനം ഒരുക്കിയിരിക്കുന്നത്.
നേരത്തെയും അഹാനയും സഹോദരിമാരും നൃത്തം ചെയ്യുന്ന വിഡിയോകൾ വൈറലായിട്ടുണ്ട്. കഴിഞ്ഞ ദിവസം ലോക്ഡൗൺ ബോറടി മാറ്റാൻ പാട്ടു പാടുന്നതിന്റെയും വ്യായാമം ചെയ്യുന്നതിന്റെയുമൊക്കെ വിഡിയോകളും അഹാന പങ്കു വച്ചിരുന്നു.