റഹ്മാന്റെ ഇൗണത്തിന് ചുവടു വച്ച് സുശാന്തിന്റെ അവസാന ഗാനം: വിഡിയോ
Mail This Article
അകാലത്തിൽ പോലിഞ്ഞ നടൻ സുശാന്ത് സിങ് രാജ്പുത് അവസാനമായി ചുവടുവച്ച് അഭിനയിച്ച "ദിൽ ബേചാര" യുടെ ടൈറ്റിൽ ഗാനം എത്തി. ചിത്രത്തിന്റെ അണിയറപ്രവർത്തവകർ കഴിഞ്ഞ ദിവസം ഈ ഗാനത്തിന്റെ ദൃശ്യം പുറത്തിറക്കിയിരുന്നു. അതോടെ പാട്ടിനു വേണ്ടി ആരാധകർ ആകാംക്ഷയോടെ കാത്തിരിക്കുകയായിരുന്നു.
സംഗീത ഇതിഹാസം എ.ആർ റഹ്മാൻ ചിട്ടപ്പെടുത്തിയ ഗാനത്തിന് നൃത്ത സംവിധാനം നിർവഹിച്ചത് ബോളിവുഡിലെ നടിയും നർത്തകിയുമായ ഫറാ ഖാനാണ്. നേരത്തെ പുറത്തിറങ്ങിയ "ദിൽ ബേചാര" യുടെ ട്രെയിലർ അന്തർദേശീയ തലത്തിലും വൈറലായിരിക്കുകയാണ്. നവാഗതനായ മുകേഷ് ഛബ്ര സംവിധാനം ചെയ്ത ദിൽ ബേചാരയിൽ പുതുമുഖമായ സഞ്ജനയാണ് നായിക. ജൂലൈ 24നു ഡിസ്നി ഹോട്ട്സ്റ്റാറിലൂടെയാണ് ചിത്രം പ്രേക്ഷകരിലേക്ക് എത്തുക. കോവിഡിനെ തുടർന്ന് മാറ്റി വച്ച സിനിമ സുശാന്തിന്റെ വിയോഗത്തെ തുടർന്നാണ് ഓൺലൈനിൽ റിലീസ് ചെയ്യാൻ നിർമാതാക്കൾ തീരുമാനിച്ചത്.