ADVERTISEMENT

ഗായിക റിമി ടോമി ആലപിച്ച ക്രിസ്തീയ ഭക്തിഗാനം ആസ്വാദകഹൃദയങ്ങൾ കീഴടക്കുന്നു. ‘ഒരു മൗന വേദനയിൽ’ എന്നു തുടങ്ങുന്ന പാട്ടിന് വരികളൊരുക്കിയത് ജോർജ് മാത്യു ചിറയത്താണ്. റോണി റാഫേൽ പാട്ടിനു സംഗീതം നൽകിയിരിക്കുന്നു. 

 

‘ഒരു മൗന വേദനയിൽ

നിൻ തിരു സന്നിധേ

നനവാർന്ന മിഴിയുമായ് 

യാചകയായ് ഞാൻ

അപരാധിയായിതാ 

തിരുപാദം തേടി ഞാൻ....’

 

റിമി ടോമിയുടെ യൂട്യൂബ് ചാനൽ വഴിയാണ് പാട്ട് റിലീസ് ചെയ്തത്. ദേവാലയത്തിനുള്ളിൽ മുട്ടുകുത്തി കൈകൂപ്പി പ്രാർഥനാഗാനം ആലപിക്കുന്ന റിമിയാണ് ഗാനരംഗത്തിൽ. പുതിയ പാട്ടിനെക്കുറിച്ച് ഗായിക സമൂഹമാധ്യമങ്ങളിലൂടെ ആരാധകരെ അറിയിച്ചിരുന്നു. 

 

റിമിയുടെ പാട്ടിന് മികച്ച പ്രതികരണങ്ങളാണു ലഭിക്കുന്നത്. ഗായികയുടെ ഹൃദയം തൊട്ടുള്ള ആലാപനം കണ്ണു നിറയ്ക്കുന്നു എന്നാണ് ആസ്വാദകപക്ഷം. ദേവാലയത്തിൽ പോയി പ്രാർഥിക്കാൻ കഴിയാത്ത സാഹചര്യത്തിൽ ഈ പാട്ട് മനസ്സിന് ഏറെ ആശ്വാസവും പ്രത്യാശയും നൽകുന്നു എന്ന് പ്രേക്ഷകർ പ്രതികരിച്ചു. പാട്ട് കണ്ട് അഭിപ്രായം പറഞ്ഞവരോട് റിമി ടോമി നന്ദിയും സ്നേഹവും അറിയിക്കുകയും ചെയ്തു. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com