ഹൃദ്യം സുന്ദരം ഈ ഗാനം; മനം നിറച്ച് ‘ആനന്ദ പൈതലേ’ താരാട്ടീണം
Mail This Article
×
അമ്മപ്പാട്ടിന്റെ മധുരം നിറച്ചൊരുക്കിയ ‘ആനന്ദ പൈതലേ’ എന്ന സംഗീത ആൽബം ആസ്വാദകഹൃദയങ്ങൾ കീഴടക്കുന്നു. മനോരമ മ്യൂസിക് ആണ് ഹൃദയസ്പർശിയായ ഈ ഗാനം ആസ്വാദകർക്കരികിലെത്തിച്ചത്. അമേരിക്കൻ മലയാളിയായ രഘുപതി പൈ ഈണം നൽകിയ ഗാനം ആലപിച്ചത് ഡോ.ദിവ്യ തുളസി ആണ്. അജു കഴക്കൂട്ടത്തിന്റേതാണു വരികൾ.
‘ആനന്ദ പൈതലേ
അമൃതുണ്ടുറങ്ങ് നീ
അമ്മ തൻ ചുണ്ടിലെ
കൊഞ്ചും മൊഴി കേട്ടോ.....’
മനം നിറയ്ക്കും സംഗീതത്തിനൊപ്പം മികച്ച ദൃശ്യ അനുഭവം കൂടി പകരുകയാണ് ‘ആനന്ദ പൈതലേ’. ഓർമകളുടെ നല്ല കാലത്തിലേയ്ക്കു തിരിച്ചു നടത്തുകയാണ് പാട്ട്. വി. ആർ. ദീപു ആണ് ഗാനരംഗങ്ങൾ ചിത്രീകരിച്ചത്. ആരോമൽ ശ്രീനിവാസൻ വയലിനിലും അനിൽ ഗോവിന്ദ പുല്ലാങ്കുഴലിലും ഈണമൊരുക്കി. ഇതിനോടകം ഏറെ ശ്രദ്ധിക്കപ്പെട്ട പാട്ടിനു സമൂഹമാധ്യമങ്ങളിൽ നിന്നും മികച്ച പ്രതികരണങ്ങളാണു ലഭിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.