തമിഴിൽ പിന്നണി പാടി ദുൽഖർ; ഹിറ്റായി ‘അച്ചമില്ലൈ അച്ചമില്ലൈ’

Achamillai-song
SHARE

തമിഴിൽ ആദ്യമായി പിന്നണി പാടി നടൻ ദുൽഖർ സൽമാൻ. താരം നായകനായെത്തുന്ന ‘ഹേ സിനാമിക’യിലെ ‘അച്ചമില്ലൈ അച്ചമില്ലൈ’ എന്ന പാട്ടാണ് ഇപ്പോൾ പുറത്തു വന്നിരിക്കുന്നത്. ഗോവിന്ദ് വസന്തയാണ് പാട്ടിന് ഈണമൊരുക്കിയത്. പാട്ടിന്റെ ടീസര്‍ ദുൽഖർ സൽമാൻ സമൂഹമാധ്യമങ്ങളിൽ പങ്കുവച്ചിരുന്നു.

‘അച്ചമില്ലൈ അച്ചമില്ലൈ’ ഇതിനോടകം ഏറെ ശ്രദ്ധിക്കപ്പെട്ടുകഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. ദുൽഖറിന്റെ ആലാപനമികവിനെ പ്രശംസിച്ചാണ് പ്രതികരണങ്ങൾ ഏറെയും. മുൻപും താരം പാടിയ പാട്ടുകളെല്ലാം ഏറെ പ്രേക്ഷകസ്വീകാര്യത നേടിയിരുന്നു. 

പ്രശസ്ത കൊറിയോഗ്രാഫര്‍ ബൃന്ദ മാസ്റ്റര്‍ സംവിധാനം ചെയ്യുന്ന ചിത്രമാണ് ‘ഹേയ് സിനാമിക’. അദിതി റാവു ഹൈദരിയും കാജല്‍ അഗര്‍വാളുമാണ് നായികമാര്‍. റൊമാന്റിക് എന്റർടെയിനറായ ‘ഹേയ് സിനാമിക’ ജിയോ സ്റ്റുഡിയോയും ഗ്ലോബൽ വൺ സ്റ്റുഡിയോസും ചേർന്നു നിർമിക്കുന്നു. ചിത്രം ഫെബ്രുവരി 25ന് തിയറ്ററുകളിലെത്തും.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MUSIC NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

5 ജി: ആകാശത്തെ ആശങ്ക– എക്സ്പ്ലെയ്നർ വിഡിയോ

MORE VIDEOS
FROM ONMANORAMA