‘എന്റെ കൺമണി’; അമൃതയെ നെഞ്ചോടു ചേർത്ത് ഗോപി സുന്ദർ

അമൃത സുരേഷിനൊപ്പമുള്ള പുത്തൻ ചിത്രം പങ്കുവച്ച് ജീവിതപങ്കാളി ഗോപി സുന്ദർ. ‘എന്റെ കൺമണി’ എന്ന അടിക്കുറിപ്പോടെയാണ് അമൃതയെ നെഞ്ചോടു ചേർത്തു നിൽക്കുന്ന ചിത്രം ഗോപി സുന്ദർ സമൂഹമാധ്യമങ്ങളിൽ പോസ്റ്റ് ചെയ്തത്. 

ഇരുവരുടേയും ചിത്രം ഇതിനകം വൈറൽ ആയിക്കഴിഞ്ഞു. ആരാധകരും സുഹൃത്തുക്കളുമുൾപ്പെടെ നിരവധി പേരാണു പ്രതികരണങ്ങളുമായി രംഗത്തെത്തിയിരിക്കുന്നത്. പ്രണയാർദ്രമായ ചിത്രങ്ങൾ മുൻപും ഗോപി സുന്ദറും അമ‍ൃതയും പങ്കുവച്ചിട്ടുണ്ട്. 

അടുത്തിടെയാണ് പ്രണയത്തിലാണെന്നും ഒരുമിച്ചു ജീവിക്കാൻ തീരുമാനിച്ചെന്നും ഗോപി സുന്ദറും അമൃത സുരേഷും വെളിപ്പെടുത്തിയത്. ജീവിതത്തിലെ വിഷമഘട്ടങ്ങള്‍ പിന്നിട്ട് ഒരുമിച്ചു മനോഹര യാത്ര ആരംഭിക്കുകയാണെന്നും ആരാധകരുടെ സ്നേഹവും പ്രാർഥനയും എന്നും തങ്ങളുടെ കൂടെ ഉണ്ടാകുമെന്നു പ്രതീക്ഷിക്കുന്നതായും അമൃത വ്യക്തമാക്കിയിരുന്നു.