ഇടവേളയ്ക്കു ശേഷം സുജാത–ജയചന്ദ്രൻ കോംബോയിൽ ഒരു ഗാനം; ‘ആകാശ പൂ ചൂടും’ ശ്രദ്ധേയം
Mail This Article
ഇന്ദ്രൻസ് മുഖ്യ വേഷത്തിലെത്തുന്ന വാമനനിലെ പുതിയ ഗാനം പുറത്തിറങ്ങി. ‘ആകാശ പൂ ചൂടും’ എന്നു തുടങ്ങുന്ന ഗാനം മലയാളികളുടെ ഇഷ്ടഗായകരായ സുജാത മോഹനും പി.ജയചന്ദ്രനും ചേർന്നാണ് ആലപിച്ചത്. സന്തോഷ് വർമയുടെ വരികൾക്ക് നിധിൻ ജോർജ് ഈണമൊരുക്കിയിരിക്കുന്നു.
കുടുംബബന്ധത്തിന്റെ ഇഴയടുപ്പമാണ് ഗാനരംഗങ്ങളിൽ ആവിഷ്കരിച്ചിരിക്കുന്നത്. പാട്ട് ഇതിനകം ശ്രദ്ധിക്കപ്പെട്ടുകഴിഞ്ഞു. മികച്ച പ്രതികരണങ്ങളോടെ ട്രെൻഡിങ്ങിൽ എത്തിയിരിക്കുകയാണ് ഗാനം. ദീർഘ കാലത്തെ ഇടവേളയ്ക്കു ശേഷം സുജാത–ജയചന്ദ്രൻ കോംബോയിൽ ഒരു ഗാനം കേൾക്കാനായതിന്റെ സന്തോഷത്തിലാണ് പ്രേക്ഷകർ.
നവാഗതനായ എഴുതി സംവിധാനം ചെയ്യുന്ന ചിത്രമാണ് ‘വാമനൻ’. മൂവി ഗ്യാങ് പ്രൊഡക്ഷൻസിന്റെ ബാനറിൽ അരുൺ ബാബു കെ.ബി, സമഹ് അലി എന്നിവർ ചേർന്നു നിർമിക്കുന്നു. സീമ ജി. നായർ, ബൈജു, അരുൺ, നിർമൽ പാലാഴി, സെബാസ്റ്റ്യൻ, ബിനോജ്, ജെറി, മനു ഭാഗവത്, ആദിത്യ സോണി, തുടങ്ങിയവരാണു ചിത്രത്തിലെ മറ്റു പ്രധാന താരങ്ങൾ.