നവരാത്രി ആഘോഷത്തിനിടെ കീർത്തനം പാടി തൃശൂർ കലക്ടർ; വിഡിയോ വൈറൽ

നവരാത്രി ആഘോഷത്തിനിടെ തൃശൂർ കലക്ടർ ഹരിത വി കുമാർ കീർത്തനം ആലപിക്കുന്നതിന്റെ വിഡിയോ പുറത്ത്. ശ്രീചക്ര രാജ സിംഹാസനേശ്വരി എന്നു തുടങ്ങുന്ന കീർത്തനമാണ് കലക്ടർ ആലപിക്കുന്നത്. ആദിതാളത്തിൽ അഗസ്ത്യാർ രചിച്ചതാണ് ഈ കീർത്തനം. 

സ്വയം അലിഞ്ഞ് ആലപിക്കുന്ന കലക്ടർക്കു ചുറ്റും നിരവധി പേരാണ് കീർത്തനം ആസ്വദിക്കുന്നത്. വിഡിയോ ചുരുങ്ങിയ സമയം കൊണ്ടു ശ്രദ്ധ നേടിക്കഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. മുൻപും പൊതുവേദിയിൽ വച്ച് പാട്ട് പാടി കയ്യടി നേടിയിട്ടുണ്ട് ഹരിത വി കുമാർ.