ലോകകപ്പിന്റെ ആവേശം നിറച്ച് അനിമേഷൻ വിഡിയോ; ശ്രദ്ധേയം

ഫുട്ബോൾ ലോകകപ്പിന്റെ ആവേശം നിറച്ച് അനിമേഷൻ വിഡിയോ. ആസ്വാദകശ്രദ്ധ നേടിയ ‘കാൽപ്പന്താണേ കനവൊന്നാണേ’ എന്ന പാട്ടിനാണ് അനിമേഷൻ ചെയ്തിരിക്കുന്നത്. ഡിജെ സാവിയോ പാട്ടിന് ഈണമൊരുക്കിയിരിക്കുന്നു. എം.സി. കൂപ്പറും സാവിയോയും ചേര്‍ന്നു വരികൾ കുറിച്ചു. ആലാപനം: എം.സി. കൂപ്പർ, റോണി ഫിലിപ്. 

ഷൈജു ദാമോദരന്‍റെ കമന്‍ററിയോടെയാണ് പാട്ട് ആരംഭിക്കുന്നത്. രസകരവും കൗതുകകരവുമായ ദൃശ്യങ്ങൾ ഈ അനിമേഷൻ വിഡിയോയെ വേഗത്തിൽ സ്വീകാര്യമാക്കി. മികച്ച പ്രതികരണങ്ങളാണു ലഭിക്കുന്നത്. മനോരമ മ്യൂസിക് ആണ് പാട്ട് പ്രേക്ഷകർക്കരികിലെത്തിച്ചത്.

നേരത്തേ പുറത്തിറങ്ങിയ ‘കാൽപ്പന്താണേ കനവൊന്നാണേ’ എന്ന പാട്ടിന്റെ വിഡിയോ പതിപ്പ് ചുരുങ്ങിയ സമയം കൊണ്ട് നിരവധി ആസ്വാദകരെ സ്വന്തമാക്കിയിരുന്നു. ഇപ്പോൾ പുറത്തുവന്നിരിക്കുന്ന ഈ വ്യത്യസ്തമായ അനിമേഷൻ വിഡിയോയും പ്രേക്ഷകഹൃദയങ്ങൾ ഏറ്റെടുത്തുകഴിഞ്ഞു.