യൂണിഫോമിൽ പൊലീസുകാരിയുടെ നൃത്തം; വിഡിയോ വൈറൽ

പൊലീസ് ഉദ്യോഗസ്ഥയുടെ നൃത്ത വിഡിയോ സമൂഹമാധ്യമങ്ങളിൽ വൈറലാകുന്നു. ഇതിഹാസ ഗായിക ലതാ മങ്കേഷ്കറിന്റെ ‘മേരാ ദിൽ യേ പുകാരേ ആജാ’ എന്ന ഹിറ്റ് ഗാനത്തിനാണ് എക്‌ഷ കെരുങ്ക് എന്ന ഉദ്യോഗസ്ഥയുടെ തകർപ്പൻ നൃത്തം. ഹിമാചലിൽ റോഡിനു നടുവിൽ നിന്നുള്ള പ്രകടനം വൈറലായിക്കഴിഞ്ഞു. ഔദ്യോഗിക വേഷമണിഞ്ഞു നിൽക്കുന്ന എക്‌ഷ, ജോലിയുടെ ഇടവേളയിലാണ് ചുവടുവച്ചത്. 

ഏതാനും ദിവസങ്ങൾക്കു മുൻപ് ഇതേ ഗാനത്തിന് ഒരു പാക്കിസ്ഥാനി പെൺകുട്ടി ചുവടുവച്ചതിന്റെ വിഡിയോ ഏറെ ശ്രദ്ധിക്കപ്പെട്ടിരുന്നു. പിന്നാലെയാണ് അതേ ചുവടുകൾ അനുകരിച്ച് എക്‌ഷ കെരുങ്ക് എത്തിയത്. എക്‌ഷയുടെ വിഡിയോ ഇതിനകം ശ്രദ്ധിക്കപ്പെട്ടുകഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. നിരവധി പേർ വിഡിയോ പങ്കുവയ്ക്കുന്നുണ്ട്.