ഭക്തി ഭാവ സമ്പൂർണമീ ‘കാഴ്ചശീവേലി’; ഏറ്റെടുത്ത് പ്രേക്ഷകഹൃദയങ്ങൾ

ആസ്വാദകഹൃദയങ്ങൾ കീഴടക്കി കൃഷ്ണഭക്തിഗാനം ‘കാഴ്ചശീവേലി’. ഗുരുവായൂരപ്പനെ ഒരുനോക്കു കാണുവാൻ അമ്പലനടയിലെത്തിയ ഭക്തയുടെ മനസ്സിന്റെ സഞ്ചാരമാണ് നൃത്ത ആവിഷ്കാരത്തിലൂടെ അവതരിപ്പിച്ചിരിക്കുന്നത്. താര രവിശങ്കറും രാഗശ്രീ കലാകേന്ദ്രത്തിലെ നർത്തകരും നൃത്താർച്ചനയുമായി ഗാനരംഗത്തിൽ പ്രത്യക്ഷപ്പെടുന്നു. 

എം.നന്ദകുമാർ ആണ് ‘കാഴ്ചശീവേലി’ക്കു വരികൾ കുറിച്ചത്. ഒ.കെ.രവിശങ്കർ ഈണം നൽകിയ ഗാനം നീത ആലപിച്ചു. വിഡിയോ ഇതിനകം നിരവധി പ്രേക്ഷകരെ സ്വന്തമാക്കിക്കഴിഞ്ഞു. മികച്ച പ്രതികരണങ്ങളും ലഭിക്കുന്നുണ്ട്. ദേവന മ്യൂസിക്കിന്റെ ബാനറിലാണ് പാട്ട് പുറത്തിറക്കിയത്. സുനീഷ് ബെൻസൺ ശബ്ദ മിശ്രണം നിർവഹിച്ചിരിക്കുന്നു.