മോഹൻലാലും അമലാ പോളും ഒന്നിച്ചെത്തുന്ന ലൈലാ ഓ ലൈലയുടെ ഓഡിയോ റിലീസ് നാളെ നടക്കും. ജോഷി സംവിധാനം ചെയ്യുന്ന ചിത്രത്തിന്റെ സംഗീതം നിർവഹിക്കുന്നത് ഗോപിസുന്ദറാണ്. ചിത്രത്തിൽ അഞ്ച് ഗാനങ്ങളാണുള്ളത്. ഓഡിയോ റിലീസ് ചടങ്ങിൽ ചിത്രത്തിലെ മുഖ്യ താരങ്ങളും അണിയറപ്രവർത്തകരും പങ്കെടുക്കും. റൺ ബേബി റണ്ണിന്റെ വിജയത്തിന് ശേഷം മോഹൻലാലും അമല പോളുമെത്തുന്ന ചിത്രം പ്രേക്ഷകർ ഏറെ പ്രതീക്ഷയോടെയാണ് കാണുന്നത്.
ഫൈൻ കട്ട് എന്റർടെൻമെന്റ്റ് നിർമ്മിക്കുന്ന ചിത്രം മെയ് 7 ന് തിയറ്ററുകളിൽ എത്തുമെന്നാണ് സൂചന. ചിത്രത്തിന്റെ ട്രെയ്ലർ ഇതിനകം തന്നെ വമ്പൻ ഹിറ്റായിരുന്നു. മലയാള സിനിമയിൽ ഇതുവരെ ഉപയോഗിക്കാത്ത ഷൂട്ടിങ് – എഡിറ്റിംഗ് ടെക്നിക്കുകൾ കൊണ്ടായിരിക്കും ഈ ചിത്രം ശ്രദ്ധിക്കപ്പെടുക. സുരേഷ് നായരുടേതാണ് ചിത്രത്തിന്റെ കഥ. ലോകനാഥനാണ് ഛായാഗ്രഹണം നിർവഹിക്കുന്നത്.
×
