പ്രശസ്ത ഗായകൻ മിഖാ സിങിനെ ഡൽഹി പൊലീസ് അറസ്റ്റുചെയ്തു.ഏപ്രിൽ 12 ന് നടന്ന ഒരു ഇവന്റിൽ വച്ച് ഒരു ഡോക്ടറെ മർദ്ദിച്ചുവെന്ന കേസിലാണ് അറസ്റ്റ്. മിഖാ സിങിനെ അറസ്റ്റ് ചെയ്ത് ഇന്ദർപുരി പൊലീസ് സ്റ്റേഷനിലേക്ക് കൊണ്ടുപോയെന്നാണ് വിവരം. ഡൽഹിയിൽ നടന്ന മൂന്ന് ദിവസത്തെ കോൺഫറൻസിന്റെ ഭാഗമായി മിഖാ സിങിന്റെ സംഗീത പരിപാടി ഉണ്ടായിരുന്നു. ഇതിനിടെയായിരുന്നു കേസിനാസ്പദമായ സംഭവം.
Mika Shingh slaps a fan at DOS Conference 2015
മിഖായുടെ സംഗീത പരിപാടിക്കിടെ സ്ത്രീകൾ നൃത്തം ചെയ്യുന്നതിനിടയിൽ ഡോക്ടർ ഡാൻസ് ചെയ്തതാണ് മിഖാ സിങ്ങിനെ ചൊടിപ്പിച്ചത്. ഡോക്ടറെ സ്റ്റേജിലേക്ക് വിളിച്ചുവരുത്തി ചെകിടത്തടിക്കുകയായിരുന്നു. ഡോക്ടർ നൽകിയ പരാതിയുടെ അടിസ്ഥാനത്തിൽ മിഖാ സിങ്ങിനെതിരെ കേസെടുത്തിരുന്നു. ഡോക്ടറെ മർദ്ദിക്കുന്നതിന്റെ വിഡിയോയും പുറത്തുവന്നിരുന്നു. അന്വേഷണം നടത്തി മിഖാ സിങ്ങ് കുറ്റക്കാരനാണെന്ന് കണ്ടെത്തിയതിനാലാണ് ഇപ്പോൾ അറസ്റ്റ് രേഖപ്പെടുത്തിയിരിക്കുന്നത്.
