പുണ്യാളൻ അഗർബത്തീസ് എന്ന സൂപ്പർഹിറ്റ് ചിത്രത്തിനു ശേഷം സംവിധായകൻ രഞ്ജിത് ശങ്കറും ജയസൂര്യയും ഒന്നിക്കുന്ന സു സു സുധി വാത്മീകം എന്ന സിനിമയിലെ മനോഹരമായ ഗാനം പുറത്തിറങ്ങി. 'എന്റെ ജനലരികിൽ ഇന്ന്..' എന്നു തുടങ്ങുന്ന ഗാനം ആലപിച്ചിരിക്കുന്നത് പി. ജയചന്ദ്രനാണ്. സന്തോഷ് വർമയുടെ വരികൾക്ക് സംഗീത സംവിധായകൻ ബിജിപാലാണ് ഈണമിട്ടിരിക്കുന്നത്. ചിത്രത്തിന്റെ പേര് സൂചിപ്പിക്കുന്നതു പോലെ വിക്കുള്ള സുധീന്ദ്രന്‍ എന്ന കഥാപാത്രത്തിലൂടെയാണ് കഥ വികസിക്കുന്നത്.
സുധീന്ദ്രൻ എന്ന ഉറ്റസുഹൃത്തിന്റെ ജീവിതത്തിൽ നിന്ന് പ്രചോദനമുൾക്കൊണ്ടാണ് താൻ ഈ സിനിമ ചെയ്യുന്നതെന്ന് രഞ്ജിത് ശങ്കർ പറഞ്ഞിരുന്നു. സുധി എന്നത് കഥാപാത്രത്തിന്റെ പേരും വാത്മീകം അയാളുടെ വീട്ടു പേരുമാണ്. ഗ്രാഫിക്സ്, ഡിസൈൻ, സംഗീത വിഭാഗങ്ങളുടെ ഒരു മാസത്തെ പരിശ്രമഫലമാണ് മോഷൻ പോസ്റ്ററെന്നും ഡിജിറ്റൽ ലോകത്തേക്ക് മാറിയ സമൂഹത്തിന് ഒപ്പം നിൽക്കാനാണ് നൂതന ലോഞ്ചിങ് രീതി വഴി താൻ ശ്രമിച്ചതെന്നും രഞ്ജിത് കൂട്ടിച്ചേർത്തു. സുധി വാത്മീകത്തിനായി തയ്യാറാക്കിയ മോഷന്‍ പോസ്റ്ററും ആദ്യ ടീസറും ശ്രദ്ധ നേടിയിരുന്നു. മലയാളത്തില്‍ ആദ്യമായാണ് ഒരു ചിത്രം മോഷന്‍ പോസ്റ്ററിലൂടെ ലോഞ്ച് ചെയ്യുന്നത്.
Ente Janalarikil Song Video
ഡ്രീംസ് ആന്‍ഡ് ബീയോണ്ട്‌സിന്റെ ബാനറില്‍ രഞ്ജിത് ശങ്കറും ജയസൂര്യയും ചേര്‍ന്നാണ് ചിത്രം നിര്‍മ്മിക്കുന്നത്. പാസഞ്ചർ എന്ന സൂപ്പർഹിറ്റ് സിനിമയുമായി മലയാള ചലച്ചിത്രലോകത്ത് എത്തിയ രഞ്ജിത്തിന്റെ ആറാമത്തെ സിനിമയാണ് സു സു സുധി വാത്മീകം. സിനിമ നവംബർ 20ന് തീയറ്ററുകളിൽ എത്തും.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.