ഗാനഗന്ധർവൻ യേശുദാസിന്റെ പുതിയ പാട്ട് റെക്കോർഡ് ചെയ്തു. ഗന്ധർവ്വ സ്വരത്തിലെ ഗാനങ്ങൾ കേൾക്കാൻ തുടങ്ങിയിട്ട് അമ്പത്തിയാറ് കൊല്ലം തികഞ്ഞ അതേ ദിനമായിരുന്നു റെക്കോർഡിങും. ഇക്കഴിഞ്ഞ പതിനഞ്ചാം തിയതിയായിരുന്നു ആ ദിനം. ആദ്യ ചലച്ചിത്ര ഗാനത്തിന്റെ ഓർമകൾ ഒരു ഗാനം പാടിക്കൊണ്ട് പുതുക്കി ദാസേട്ടൻ. ദി ലാസ്റ്റ് ഡെയ്സ് എന്ന ചിത്രത്തിലാണ് ഈ പാട്ടുള്ളത്.
സെബാസ്റ്റ്യൻ മാളിയേക്കൽ എഴുതി സംവിധാനം ചെയ്ത് രാജഗീതം ഫിലിംസിന്റെ ബാനറിൽ നിർമ്മിക്കുന്ന ചിത്രമാണിത്. അധരങ്ങളുണ്ടെങ്കിലും എന്നു തുടങ്ങുന്ന പാട്ടാണ് അദ്ദേഹം പാടിയത്. ഔസേപ്പച്ചന്റേതാണു സംഗീതം. ദാസേട്ടൻ അടുത്തിടെ പാടിയ മലയാളം ഗാനങ്ങളെല്ലാം എപ്പോഴത്തേയും പോലെ ജനമനസുകളെ കീഴടക്കിയിരുന്നു. ഈ ഗാനത്തേയും അതേ പ്രതീക്ഷയോടെയാണ് കാത്തിരിക്കുന്നത്.
×
