Manoramaonline.com no longer supports Internet Explorer 8 or earlier. Please upgrade your browser.  Learn more »

വീട് വയ്ക്കാൻ വയൽ നികത്തൽ: ഉത്തരവ് ഇറങ്ങി

paddy-field

തിരുവനന്തപുരം∙ പഞ്ചായത്തിൽ പത്തും കോർപറേഷൻ, മുനിസിപ്പാലിറ്റി മേഖലകളിൽ അഞ്ചും സെന്റു ഭൂമിയിൽ വയൽ നികത്തി വീടുവയ്ക്കാൻ അനുമതി നിലവിലുണ്ടെന്നു വിശദീകരിച്ചു സർക്കാർ ഉത്തരവിറങ്ങി. നെൽവയൽ തണ്ണീർത്തട സംരക്ഷണ നിയമം ഭേദഗതി ചെയ്തതു മൂലമുണ്ടായ ആശയക്കുഴപ്പം ദൂരീകരിക്കാനാണ് ഉത്തരവിറക്കിയത്.

രേഖകളിൽ നിലമെന്നു രേഖപ്പെടുത്തിയിട്ടുണ്ടെങ്കിലും അഞ്ചും പത്തും സെന്റു ഭൂമിയിൽ വീടുവയ്ക്കുന്നതിനു തടസ്സമില്ല. മറ്റെവിടെയും ഭൂമി സ്വന്തമായി ഇല്ലാത്തവർക്കേ അനുമതി ലഭിക്കൂ. കലക്ടർമാർ‌ക്കും ആർഡിഒമാർക്കുമാണ് ഇതിനുള്ള അധികാരം. വില്ലേജ് ഓഫിസറും കൃഷി ഓഫിസറും പരിശോധിച്ച ശേഷമാണു കലക്ടർമാർ അനുമതി നൽകുക.

ഭൂമി ഡേറ്റാ ബാങ്കിൽ നെൽവയലെന്നോ തണ്ണീർത്തടമെന്നോ രേഖപ്പെടുത്തിയ ഭൂമിയെ അങ്ങനെതന്നെ കണക്കാക്കും. എന്നാൽ, ഡേറ്റാ ബാങ്കിൽ ഒട്ടേറെ അപാകതകൾ കടന്നു കൂടിയിട്ടുള്ളതിനാൽ ഇതിനെ ആശ്രയിച്ചു തീരുമാനമെടുക്കുന്നത് ഒട്ടേറെ പേരെ ബാധിക്കും.

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.