ലാർജ് ക്യാപ് ഫണ്ടുകളുടെ പോക്ക്

ഓഹരി മ്യൂച്വൽ ഫണ്ടുകളുടെ പ്രസക്തി വർധിച്ചിരിക്കുകയാണ്. ഏറ്റവും കൂടുതൽ ദീർഘകാലനേട്ടം നൽകുക ഇത്തരം നിക്ഷേപങ്ങളാണെന്നതിൽ തർക്കമില്ല. പോയ വർഷം ബിഎസ്ഇ സെൻസെക്സ്  1.6% % ആണ് ആദായ നിരക്ക് നൽകിയത്. കഴിഞ്ഞ 2,3,5 വർഷങ്ങളിൽ ഇതു യഥാക്രമം  13.8%, 13.7%, 12.5% എന്നിങ്ങനെ ആയിരുന്നു.

ആസ്തിവലുപ്പത്തിൽ മുൻപന്തിയിൽ നിൽക്കുന്ന ലാർജ് ക്യാപ് ഫണ്ടുകളിൽ സൂചിക പദ്ധതികളെ ഒഴിവാക്കിയാൽ ആദ്യ പത്തെണ്ണത്തിൽ ആദിത്യ ബിർള സൺലൈഫ് ഫ്രണ്ട്‌ലൈൻ ഇക്വിറ്റി ഫണ്ട് , എസ്ബിഐ ബ്ലൂചിപ് ഫണ്ട് , ഐസിഐസിഐ പ്രൂഡൻഷ്യൽ ഫോക്കസ്ഡ് ബ്ലൂ ചിപ് ഇക്വിറ്റി ഫണ്ട് , എച്ഡിഎഫ്സി ടോപ് 100 ഫണ്ട് , റിലയൻസ് ലാർജ് ക്യാപ് ഫണ്ട്, ഫ്രാങ്ക്‌ളിൻ ഇന്ത്യ ബ്ലൂചിപ് ഫണ്ട്, യുടിഐ മാസ്റ്റർഷെയർ ഫണ്ട് എന്നിവയുണ്ട് .

ആദിത്യ ബിർള ഫണ്ട് 2002ൽ വന്നതാണ്; ചെലവു നിരക്ക് 1.97%. പോയ ഒരു വർഷം ആദായനഷ്ടമാണ് (മൈനസ് 6.33%). ആസ്തി 21,175  കോടി രൂപ.

എസ്ബിഐ ബ്ലൂചിപ് ഫണ്ട് (2006) ചെലവു നിരക്ക് 1.94. കഴിഞ്ഞ ഒരു വർഷത്തെ വളർച്ച മൈനസ് 1.61%. ആസ്തി 20,610  കോടി രൂപ.
ഐസിഐസിഐ പ്രൂഡൻഷ്യൽ ഫോക്കസ്ഡ് ബ്ലൂചിപ് ഇക്വിറ്റി ഫണ്ട് 2008 ൽ വന്നതാണ്. ആസ്തി 20,115 കോടി. കഴിഞ്ഞ വർഷം നേടിയത് മൈനസ് 4.53%. ചെലവുനിരക്ക് 2.10%.

എച്ഡിഎഫ്സി ടോപ് 100 ഫണ്ട് നിലവിൽ 15264  കോടി രൂപ ഉള്ളതാണ്. 1996ൽ കൊണ്ടുവന്ന പദ്ധതി 2.09 ആണ് ചെലവുനിരക്കെഴുതുന്നത് . പോയ വർഷം മൈനസ് 3.22 ആണ് ആദായ നിരക്ക്.

റിലയൻസ് ലാർജ് ക്യാപ് ഫണ്ട് 2013ൽ വന്നതാണ്. ആസ്തി 11,740 കോടി രൂപ ; കഴിഞ്ഞ ഒരു വർഷം നേടിയത് മൈനസ് 3.72 ശതമാനം ആദായം. ചെലവുനിരക്ക് 2.26.

ഫ്രാങ്ക്‌ളിൻ ഇന്ത്യ ബ്ലൂ ചിപ് ഫണ്ട് 7809 കോടി രൂപ ആസ്തിയുണ്ടിപ്പോൾ. കഴിഞ്ഞ വർഷം നഷ്ടം തന്നെ. മൈനസ് 7.12%. ചെലവുനിരക്ക് 2.03.

യുടിഐ മാസ്റ്റർഷെയർ ആസ്തി 5570 കോടി രൂപ ചെലവു നിരക്ക് 2.33; ഒരു വർഷ ആദായം മൈനസ് 2.94.
പദ്ധതിയുടെ പ്രായത്തിലും ചിലവുനിരക്കിലും, പോർട്ടഫോളിയോയിലും വ്യത്യസ്തതയുള്ള ഇവ ഓരോന്നും വിവിധ റിസ്ക്‌ നിലവാരത്തിലാണെന്നതാണ് ഏറ്റവും ശ്രദ്ധേയമായത്. പ്രത്യേക ശൈലികളിൽ നടത്തപ്പെടുന്ന ഇവയിൽ ഏതുവേണമെന്നത് നിക്ഷേപകന്റെ റിസ്ക് എടുക്കാനുള്ള കഴിവിനെ അടിസ്ഥാനമാക്കി എടുക്കേണ്ടുന്ന തീരുമാനമാണ്