ധനകാര്യ സാങ്കേതികകേന്ദ്രവുമായി റിലയൻസ് കമ്യൂണിക്കേഷൻസ്

മുംബൈ ∙ പാപ്പരായി പ്രഖ്യാപിക്കാൻ ആവശ്യപ്പെട്ട് കോടതിയെ സമീപിച്ചിരിക്കുന്ന റിലയൻസ് കമ്യൂണിക്കേഷൻസ് (അനിൽ അംബാനി ഗ്രൂപ്പിൽപെട്ട സ്ഥാപനം) വമ്പൻ ധനകാര്യ സാങ്കേതിക വിദ്യാകേന്ദ്രം ആരംഭിക്കാനൊരുങ്ങുന്നു. കമ്പനിയുടെ ആസ്ഥാനം നിലനിന്നിരുന്ന നവി മുംബൈയിലെ 132 ഏക്കർ സ്ഥലത്താണ് ‘ഫിൻടെക്’ കേന്ദ്രം ഉയരുകയെന്ന് കമ്പനി അറിയിച്ചു. ഗ്രൂപ്പിലെ റിലയൻസ് റിയൽറ്റി എന്ന കമ്പനിയാണ് നിർമാണ പ്രവർത്തനങ്ങൾ നടത്തുക. മഹാരാഷ്ട്ര സർക്കാരിന്റെ അനുമതി ലഭിച്ചിട്ടുണ്ട്.