മുത്തൂറ്റ് ഫിനാൻസിന് 563 കോടി രൂപ അറ്റാദായം
Mail This Article
×
കൊച്ചി∙ഏപ്രിൽ– ജൂൺ ത്രൈമാസത്തിൽ മുത്തൂറ്റ് ഫിനാൻസിന്റെയും ഉപസ്ഥാപനങ്ങളുടെയും സംയോജിത അറ്റാദായം 9% വർധിച്ച് 563 കോടി രൂപയിലെത്തി. മുത്തൂറ്റ് ഫിനാൻസിന്റെ മാത്രം ലാഭം 8% വർധിച്ച് 530 കോടി രൂപയിലെത്തിയതായും കമ്പനി അറിയിച്ചു. കൈകാര്യം ചെയ്യുന്ന വായ്പാ ആസ്തികൾ 16% വർധിച്ച് 35816 കോടി രൂപയിലെത്തിയതായും ജൂൺ 30ന് അവസാനിച്ച ത്രൈമാസത്തിലെ കണക്കുകൾ സൂചിപ്പിക്കുന്നു.
ഓഹരികളുടെ മുഖവിലയുടെ 120% നിരക്കിൽ, ഓഹരി ഒന്നിന് 12 രൂപ ലാഭവിഹിതം പ്രഖ്യാപിച്ചതായും ചെയർമാൻ എം.ജി. ജോർജ് മുത്തൂറ്റ് പറഞ്ഞു. ആദ്യ ത്രൈമാസത്തിൽ പ്രതിമാസം ശരാശരി 6500 കോടി രൂപയുടെ സ്വർണപ്പണയ വായ്പകളാണു വിതരണം ചെയ്തതെന്ന് മാനേജിങ് ഡയറക്ടർ ജോർജ് അലക്സാണ്ടർ മുത്തൂറ്റ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.