വിമാനത്തിനും വീഞ്ഞിനും വിസ്കിക്കും യുഎസ് നികുതി കൂട്ടി

വാഷിങ്ടൻ ∙ ചൈനയുമായി വ്യാപാര യുദ്ധത്തിലുള്ള യുഎസ്, യൂറോപ്യൻ രാജ്യങ്ങളുമായുള്ള വ്യാപാര തർക്കവും മൂപ്പിച്ചു. യൂറോപ്പിൽ നിന്നുള്ള ഒട്ടേറെ ഉൽപന്നങ്ങൾക്ക് അധിക ഇറക്കുമതി നിരക്ക് ഏർപ്പെടുത്തി. എയർബസ് വിമാനം, ഫ്രഞ്ച് വൈൻ, സ്കോട്ടിഷ് വിസ്കി, ചീസ് തുടങ്ങിയ യൂറോപ്യൻ ഉൽപന്നങ്ങൾക്ക് യുഎസിൽ 25% വരെ വില ഉയരും. എയർ ബസ് വിമാന നിർമാണത്തിന് യൂറോപ്യൻ രാജ്യങ്ങൾ സംബ്സിഡി നൽകുന്നു എന്നാരോപിച്ചാണ് യുഎസിന്റെ നടപടി. ലോക വ്യാപാര സംഘടനയുടെ (ഡബ്ല്യുടിഒ) വ്യവസ്ഥകളിലൊതുങ്ങിനിന്ന് തങ്ങളും തിരിച്ചടിക്കുമെന്ന് യൂറോപ്യൻ രാജ്യങ്ങൾ പറഞ്ഞു.