കയറ്റുമതിയും ഇറക്കുമതിയും കുറഞ്ഞു

ന്യൂഡൽഹി∙ കയറ്റുമതി വരുമാനത്തിൽ തുടർച്ചയായി നാലാം മാസവും ഇടിവ്. കഴിഞ്ഞമാസം 2598 കോടി ഡോളറാണു വരുമാനം. മുൻകൊല്ലം നവംബറിലെക്കാൾ 0.34% ഇടിവ്. പെട്രോളിയം, രത്നങ്ങൾ, ആഭരണം, തകൽ ഉൽപന്നങ്ങൾ എന്നിവയുടെ കയറ്റുമതി ഗണ്യമായി കുറഞ്ഞതാണു കാരണം. 

ഇറക്കുമതി 12.71% കുറ‍ഞ്ഞിട്ടുണ്ട്. 3811 കോടി ഡോളറാണ് ഇറക്കുമതിച്ചെലവ്. ഇതോടെ, ഇറക്കുമതിയും കയറ്റുമതിയും തമ്മിലുള്ള വ്യത്യാസമായ വിദേശവ്യാപാരക്കമ്മി 1212 കോടി ഡോളറായി താഴ്ന്നു. 2018 നവംബറിൽ 1758 കോടി ഡോളറായിരുന്നു.  സ്വർണ ഇറക്കുമതി 6.6% ഉയർന്ന് 294 കോടി ഡോളറിന്റേതായി. എന്നാൽ എണ്ണ ഇറക്കുമതി 18% കുറഞ്ഞ് 1106 കോടി ഡോളറായി.