ഇൻഷുറൻസ് കമ്പനികൾക്ക് 2500 കോടി രൂപ

ന്യൂഡൽഹി ∙പൊതു മേഖലാ ജനറൽ ഇൻഷുറൻസ് കമ്പനികളായഓറിയന്റൽ, നാഷനൽ, യുണൈറ്റഡ് എന്നിവയ്ക്ക് അടിയന്തര മൂലധനസഹായമായി 2500 കോടി രൂപ അനുവദിക്കാൻ കേന്ദ്ര മന്ത്രിസഭ തീരുമാനിച്ചു. 3 കമ്പനികളുടെയും ലയനത്തിനു മുന്നോടിയായാണ് നടപടി. കമ്പനികൾ ലയിപ്പിക്കാനുള്ള തീരുമാനം 2018–19ലെ ബജറ്റിൽ കേന്ദ്ര സർക്കാർ പ്രഖ്യാപിച്ചിരുന്നു. എന്നാൽ, കമ്പനികളുടെ മോശമായ ധനസ്ഥിതി ഉൾപ്പെടെയുള്ള കാരണങ്ങളാൽ പൂർത്തിയാക്കാനായില്ല. ഈ പശ്ചാത്തലത്തിലാണ് പണം നൽകി സ്ഥിതി മെച്ചപ്പെടുത്തുന്നത്.