കയറ്റുമതിയിൽ ഇടിവ്
Mail This Article
×
ന്യൂഡൽഹി ∙ കയറ്റുമതി തുടർച്ചയായ എട്ടാം മാസവും കുറഞ്ഞു. ജനുവരിയിൽ കയറ്റുമതി വരുമാനം 2597 കോടി ഡോളറാണ്. മുൻകൊല്ലം ജനുവരിയിലെക്കാൾ 1.66% കുറവാണിത്. ഇറക്കുമതി 0.75% താഴ്ന്ന് 4114 കോടി ഡോളറായി. ഇറക്കുമതിച്ചെലവും കയറ്റുമതിവരുമാനവും തമ്മിലുള്ള വ്യത്യാസമായ വിദേശ വ്യാപാര കമ്മി 1517 കോടി ഡോളറായി.
ഏപ്രിൽ മുതൽ ജനുവരി വരെ കയറ്റുമതി വരുമാനം 2652 കോടി ഡോളറാണ്. ഇറക്കുമതിച്ചെലവ് 398.53 കോടി ഡോളറും. ബജറ്റിൽ ഇറക്കുമതിത്തീരുവ ഉയർത്തിയതിനാൽ വരും നാളുകളിലും ഇറക്കുമതിച്ചെലവ് ഉയരുമെങ്കിലും, കൊറോണ കാരണം ആഗോള എണ്ണവിപണിയിൽ വില കുറയുന്നത് ഇന്ത്യയ്ക്ക് അൽപം ആശ്വാസമാകുമെന്ന് വിദഗ്ധർ പറയുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.