‘സ്വർണപ്പണയ വായ്പാ സ്ഥാപനങ്ങൾ പ്രവർത്തന സമയം ചുരുക്കണം’

കൊച്ചി∙ കോവിഡ് 19 പടരുന്ന സാഹചര്യത്തിൽ രാജ്യത്തെ സ്വർണപ്പണയ വായ്പാ കമ്പനികൾ പ്രവർത്തന സമയം ചുരുക്കണമെന്ന് അസോസിയേഷൻ ഓഫ് ഗോൾഡ് ലോൺ കമ്പനീസ് അംഗങ്ങളോട് ആവശ്യപ്പെട്ടു. മൂന്നു ദിവസത്തേക്ക് 10 മുതൽ 2 വരെ മാത്രം തുറന്നു പ്രവർത്തിക്കാനാണ് നിർദേശം. പൂർണമായും ലോക്ക്ഡൗൺ പ്രഖ്യാപിച്ച സ്ഥലങ്ങളിൽ ബ്രാഞ്ചുകൾ അടച്ചിടാനും നിർദേശിച്ചിട്ടുണ്ട്.

എല്ലാ കേരള ബാങ്കിംഗേതര ഫിനാൻസ് കമ്പനി, അസോസിയേഷൻ ഓഫ് ഗോൾഡ് ലോൺ കമ്പനീസ് അംഗങ്ങളും  നിർദേശങ്ങളുമായി സഹകരിക്കണമെന്ന് അസോസിയേഷൻ സെക്രട്ടറി തോമസ് ജോർജ് മുത്തൂറ്റ് അഭ്യർഥിച്ചു.