സെൻസെക്സിൽ വൻ കുതിപ്പ്

മുംബൈ ∙ രാജ്യം സമ്പൂർണ അടച്ചിടൽ പ്രഖ്യാപിച്ച ശേഷമുള്ള ആദ്യ വ്യാപാര ദിനത്തിൽ ഓഹരി വിപണി കുതിപ്പു കാഴ്ചവച്ചു. ഓഹരി സൂചിക സെൻസെക്സ് ചരിത്രത്തിലെ ഏറ്റവും വലിയ ഏകദിന വർധന നേടി. 1861 പോയിന്റ്.

2 ലക്ഷം കോടി ഡോളറിന്റെ രക്ഷാ പാക്കേജ് അമേരിക്കയിൽ പ്രഖ്യാപിക്കപ്പെട്ടത് ലോക വിപണികളിലാകെ ഉണർവുണ്ടാക്കി. അതിന്റെ ചുവടുപിടിച്ചാണ് ഇന്ത്യയിലും നിക്ഷേപകർ പെരുമാറിയത്. ഇന്ത്യയിലും സർക്കാർ ഉത്തേജക പദ്ധതി പ്രഖ്യാപിക്കുമെന്നാണു പ്രതീക്ഷ. 

റിലയൻസ് ഇൻഡസ്ട്രീസ് ഓഹരി 15% വിലയുയർന്നു. കോട്ടക് ബാങ്ക്, മാരുതി, എച്ച്ഡിഎഫ്സി ബാങ്ക്, എച്ച്ഡിഎഫ്സി, ടൈറ്റൻ, എൽ ആൻഡ് ടി, ആക്സിസ് ബാങ്ക് എന്നിവയൊക്കെ മികച്ച നേട്ടമുണ്ടാക്കി.