1500 കോടി രൂപ കേരളം കടമെടുത്തു

തിരുവനന്തപുരം ∙ ഇൗ സാമ്പത്തിക വർഷത്തെ നാലാം കടമെടുപ്പിൽ ഇന്നലെ സംസ്ഥാന സർക്കാർ 1500 കോടി രൂപ സമാഹരിച്ചു. ഉയർന്ന പലിശ നിരക്കിൽ ആരുന്നില്ല ലേലത്തിൽ പണം ലഭിച്ചത്. 500 കോടിയുടെ മൂന്നു ഗഡുക്കളായിട്ടായിരുന്നു കടമെടുപ്പ്. 5 വർഷംകൊണ്ടു തിരിച്ചടയ്ക്കേണ്ട 500 കോടിയുടെ വായ്പ 5.91% പലിശയ്ക്കും ഏഴര വർഷക്കാലയളവിലെ 500 കോടി 6.50% പലിശയ്ക്കും 10 വർഷത്തെ 500 കോടി 6.63% പലിശയ്ക്കുമാണു ലഭിച്ചത്.

ഇതോടെ സർക്കാർ കടമെടുത്ത ആകെ തുക 8930 കോടിയായി. കേന്ദ്ര സർക്കാർ കഴിഞ്ഞ ദിവസം വായ്പ പരിധി ജഎസ്ടിഡിപിയുടെ 5 ശതമാനമാക്കി ഉയർത്തിയതിനാൽ 45,217 കോടി രൂപ ഇൗ വർഷം സംസ്ഥാത്തിനു കടമെടുക്കാം. മുൻപ് നിശ്ചയിച്ചതിനെക്കാൾ 18,087 കോടി രൂപ കൂടുതലാണിത്.