നിർമിച്ച രാജ്യങ്ങളുടെ പേര് രേഖപ്പെടുത്തണം

ന്യൂഡൽഹി∙ ഇ–കൊമേഴ്സ് കമ്പനികൾ ഓഗസ്റ്റ് ഒന്നു മുതൽ വിൽക്കുന്ന സാധനങ്ങളിൽ ഏതു രാജ്യത്ത് നിർമിച്ചതാണെന്നു രേഖപ്പെടുത്തണം എന്ന് കേന്ദ്രസർക്കാർ. മുപ്പതോളം ഇ–കൊമേഴ്സ് കമ്പനി  പ്രതിനിധികളുമായി നടത്തിയ ചർച്ചയിലാണ് ഡിപ്പാർട്ട്മെന്റ് ഫോർ പ്രമോഷൻ ഓഫ് ഇൻഡസ്ട്രി ആൻഡ് ഇന്റേണൽ ട്രേഡ് (ഡിപിഐഐടി)ന്റെ നിർദേശം.  ഓഗസ്റ്റ് 1 മുതൽ ഇതു നടപ്പാക്കിത്തുടങ്ങും. പൂർണമായും നടപ്പാക്കാൻ ഒക്ടോബർ 1 വരെ സമയം നൽകും. പ്രധാനമന്ത്രിയുടെ ആത്മനിർഭർ ഭാരത് പദ്ധതിയുടെ ഭാഗമാണിത്.