തൊഴിലവസരമുണ്ടാക്കാൻ 222.54 കോടി രൂപ വായ്പ നൽകിയെന്ന് കേരള ബാങ്ക്

തിരുവനന്തപുരം∙ സംസ്ഥാന സർക്കാരിന്റെ ഒന്നാംഘട്ട 100 ദിന തൊഴിൽദാന പദ്ധതി പ്രകാരം 10,453 തൊഴിലവസരങ്ങൾ സൃഷ്ടിക്കാനായി 222.54 കോടി രൂപ വായ്പയായി അനുവദിച്ചിട്ടുണ്ടെന്ന് കേരള ബാങ്ക് അധികൃതർ.ബാങ്കിന്റെ 769 ശാഖകൾ വഴി നൽകിയ ചെറുകിട സംരംഭ വായ്പകളായ കേരള ബാങ്ക് മിത്ര, കേരള ബാങ്ക് സുവിധ, ദീർഘകാല കൃഷിവായ്പകൾ, പ്രവാസികൾക്കായുള്ള പ്രവാസി കിരൺ, പുതിയ തൊഴിൽ സംരംഭങ്ങൾക്കായി സ്വയംസഹായ സംഘങ്ങൾക്കും അയൽക്കൂട്ടങ്ങൾക്കും നൽകിയ വായ്പകൾ എന്നിവയിലൂടെയാണു 13 ജില്ലകളിൽ 10,453 തൊഴിലവസരങ്ങൾ സൃഷ്ടിച്ചത്. മലപ്പുറം കേരള ബാങ്കിന്റെ ഭാഗമായിട്ടില്ല. രണ്ടാംഘട്ട 100 ദിന തൊഴിൽദാന പദ്ധതിയുടെ അപേക്ഷകൾ കേരള ബാങ്ക് ശാഖകളിൽ ലഭിക്കും.