മനോരമ ബജറ്റ് പ്രഭാഷണം ഇന്ന്

കൊച്ചി ∙ കേന്ദ്ര ബജറ്റിനെ അനുകൂലിച്ചും പ്രതികൂലിച്ചുമുള്ള പ്രതികരണങ്ങൾക്കപ്പുറത്തെ യാഥാർഥ്യങ്ങൾ എന്തൊക്കെ? സാമ്പത്തിക, സാമൂഹിക ഗവേഷണ രംഗത്തെ പ്രശസ്തയായ യാമിനി അയ്യർ ഇന്നു വൈകിട്ട് ആറിന് മലയാള മനോരമയുടെ വാർഷിക ബജറ്റ് പ്രഭാഷണത്തിൽ അവ അനാവരണം ചെയ്യുന്നു. പ്രഭാഷണ പരമ്പരയിൽ ഇരുപത്തിരണ്ടാമത്തേതാണിത്. കോവിഡ് കണക്കിലെടുത്ത് ഓൺലൈനായാണു പ്രഭാഷണം. ഡൽഹി ആസ്ഥാനമായ സെന്റർ ഫോർ പോളിസി റിസർച്ചിന്റെ പ്രസിഡന്റും ചീഫ് എക്സിക്യൂട്ടിവുമാണ് യാമിനി.ലണ്ടൻ സ്കൂൾ ഓഫ് ഇക്കണോമിക്സ്, കേംബ്രിജ് സർവകലാശാല എന്നിവിടങ്ങളിൽ പഠിച്ച യാമിനി പ്രഗത്ഭയായ പ്രഭാഷകയുമാണ്.