വൺവെബിൽ 55 കോടി ഡോളർ നിക്ഷേപം

ലണ്ടൻ∙ ഉപഗ്രഹ സഹായത്തോടെ ആഗോള കമ്യൂണിക്കേഷൻസ് ശൃംഖലയൊരുക്കുന്ന വൺവെബിന് ഫ്രാൻസിന്റെ യൂട്ടെൽസാറ്റ് കമ്യൂണിക്കേഷനിൽനിന്ന് 55 കോടി ഡോളറിന്റെ (ഏതാണ്ട് 4100 കോടി) നിക്ഷേപം ലഭിച്ചു. ഇന്ത്യൻ ടെലികോം കമ്പനി എയർടെലിന്റെ പ്രമോട്ടർമാരായ ഭാരതി ഗ്രൂപ്പിനും യുകെ സർക്കാരിനും സോഫ്റ്റ് ബാങ്കിനും മുഖ്യഓഹരി ഉടമസ്ഥതയുള്ള വൺവെബിൽ യൂട്ടെൽസാറ്റിന് 24% ഓഹരി പങ്കാളിത്തമാണു കിട്ടുക. ലോ എർത്ത് ഓർബിറ്റ് (ലിയോ) ഉപഗ്രഹങ്ങൾ വിക്ഷേപിച്ച് അവയുടെ സഹായത്തോടെ എല്ലായിടത്തും അതിവേഗ ഇന്റർനെറ്റ് സൗകര്യം ലഭ്യമാക്കുകയാണ് വൺവെബിന്റെ ലക്ഷ്യം.