ഓഹരി വിപണിയിൽ വൻ ഇടിവ്

മുംബൈ∙ രണ്ടു മാസത്തിനിടെയുള്ള ഏറ്റവും വലിയ പ്രതിദിന ഇടിവ് നേരിട്ട് ഇന്നലെ ഓഹരിവിപണി സൂചികകൾ. പല രാജ്യങ്ങളിലും കോവിഡ് വ്യാപനം കൂടിയതോടെ ആഗോള വിപണികളിൽ വിൽപന സമ്മർദം കൂടിയതാണ് കാരണം. ഡോളറുമായുള്ള വിനിമയത്തിൽ രൂപ 31 പൈസ ഇടിഞ്ഞ് 74.88ൽ എത്തുകയും ചെയ്തു. സെൻസെക്സ് 586.66 പോയിന്റ് നഷ്ടത്തിൽ 52,553.40 ലാണ് വ്യാപാരം അവസാനിപ്പിച്ചത്. ഏപ്രിൽ 30നു ശേഷമുള്ള ഏറ്റവും വലിയ ഇടിവാണിത്. നിഫ്റ്റി 171 പോയിന്റ് ഇടിഞ്ഞ് 15,752.40ലും വ്യാപാരം അവസാനിപ്പിച്ചു.